فجاه لاقيت المُدرِس اللي دايمًا بيتريق عليا ويحسسني إني أقل من صحابي

فجاه لاقيت المُدرِس اللي دايمًا بيتريق عليا ويحسسني إني أقل من صحابي في كُل حاجة واقف قُدامي وبيضحك وهو مشاور عليا وبيقول:

– وإنت نفسك تكون إيه لما تكبر بقي يا محمد؟

” فضلت أبص يمين وشمال ولاقيت صحابي كُلهم مركزين عليا، فـ وقفت وقُلت:

= نفسي أكون دكتور قلب كبير ومشهور وأعالج كل الغلابة ببلاش.

” بص عليا وفضل ساكت وفجأة لاقيته إنفجر بالضحك، وشاور علي واحد صاحبي وقال:

– طب يوسف أبوه مُهندس وهو عايز يطلع مُهندس زيه.

“وشاور علي بنت”

– وآية باباها دكتور مشهور في الجامعة وهي نفسها تكون زيه.

“وراح مقرب مني جامد وهامس في ودني:

– إنت قولتلي باباك شغال إيه؟

” قلبي بدأ ينبض بسرعة وإتوترت، فـ بلعت ريقي وقُلت:

= بيطلع كل يوم الفجر ويقعد علي الطريق واللي بيحتاجُه في أي شُغلانة بيروح معاه.

فـ راح مخبط علي كتفي وقال:

– إنت شكلك موهوم يابني، فـ نصيحة مني لو حِلِمت في يوم، إحلم حِلم صغير، ها!!

حلم صغير أوي علي قدك يا محمد.

“العصفور لما يتقص جناحُه وهو صغير، مستحيل ييجي عليه يوم ويطير فوق السحاب”.

في اليوم ده فضلت سهران طول الليل ومن كُتر التفكير ماعرفتش أنام، فـ رُحت أتسحّب بِراحة علي أوضة أبويا وأمي علشان مايصحوش، وأول ما وصلت حطيت

راسي فوق قلب أبويا وأنا عمال أعيط وكاتم صوتي بالعافية، وبفكر في كلام المُدرس السلبي، وخايف أوي إن القلب ده يُقف لإن أبويا قالي لو وقف هيموت ومش هيكون موجود معانا.

فـ روحت مطبطب علي قلبه وقُلت وانا بهمس:

 
لتكملة اضغط على الرقم ٢👇👇

1 2 3 4 5 6 7 8 9الصفحة التالية