أكبر خدعة زواج اسمع بها 

ليست قصة من بلاد الواق واق ، ولا من قصص وخرافات #دونكيشوت ومعاركه الوهمية مع طواحين الهواء …..

بل هي حصلت بالواقع بأرض وطني الغالي…

   الخيانة مليون شكل ، لكن هذه جديدة علي والله 

           ـــــــــــــــــــــــــــ

      أكبر خدعة زواج اسمع بها 

رحت على عرس انا وزوجي … فتت ع العرس شفت ام العروس و ابوها صارو يبكو و يترجوني انا و و زوجي انو يلعب زوجي دور العريس بالصالة قدام المعازيم

 

بحجة أن العريس اتصل بأبوها للعروس وطلق العروس وقلو ما رح يجي والبنت بالصمدة خجلانة ومكسورة الخاطر .. 

 

وأنا من طيبة قلبي قبلت من كتر البكي والمعازيم و الناس فرحانة و العروس لابسة بدلة بيضة ولله وجعني قلبي ع اهلها وعليها… 

 

قلتلو لزوجي اي معلش ، العب دور العريس قدام الناس ساعتين زمان و منطلع من القصة 

 

راح جوزي و اخد دور العريس و ع رقص و دبك ويقرب منها وعطوه دهب لبسها قدام عيوني و انا قاعدة ع طاولة ام العروس بس متوترة و مدايقة .. 

 

بس قلت يلا معلش وقدام المعازيم صارو يقولو انا اخت العريس وهو يقول هيك 

 

انا و بالصالة جابو كاتب العدل و ع اساس بس قدام الناس .. كتب كتابو عليها عنجد

 

ما بلاقي الا جوزي اخدها عنجد و ركبها بالسيارة …قلتلو هاي تمثيلية … خلص اترك و تعال … قلي اي حبيبتي ساعة و بجي بس قدام الناس بطلع بالزفة .. اسبقيني ع البيت 

 

تركني روح ع البيت و شفافة و جسمي عم يرجف من التوتر … قلت لنفسي ليش قبلت بالتمثلية 

 

بتصل ع جوزي ما برد عليي

طلع ابن الستين كلب و صرماية هاد عرسه و ضحك عليي قدام الناس…حسيت نار مغلية و كبوها على جسمي و نمل جسمي … 

 

ولله ايدي ارتخت و اجريي ما عاد يحملوني 

اقسم انه خدعني وذلني 

 

بدي حدا يفيدني شو بقدر سوي معه ….

@إشارة 

وطبعاً الصورة رمزية ومين هي رمزية ما بعرف