الجهاز أخيرًا هيوصل بيت خطيبي

قمت من على الكنبة، مشيت ناحية الجهاز اللي لسه متفكش، بصيت عليه، وكل قطعة فيه كانت بتفكرني بتعب شهور، بلفي على المحلات، بقراري إني أبدأ حياة جديدة بحب ورضا. بس فجأة، كل ده بقى قدامي زي ديكور فاضي، ملوش قيمة وسط ناس شايفين الحياة بالأرقام، مش بالمشاعر.

 

مسكت الموبايل، وكتبت آخر رسالة، كانت أطول من كل اللي فات، بس كانت أصدقهم:

 

أنا مش هكون جزء من حياة بتتقاس بالفلوس، ولا هعيش وسط ناس شايفين الجواز صفقة، مش عشرة. أنا تعبت، ودفعت، واشتريت، بس اللي ما يتشراش هو الاحترام، والنية الطيبة، والستر. لو شايفين إن اللي عملته قليل، يبقى قليل عليكم، بس كبير عليّ. أنا مش هكمل، مش عشان الجهاز، ولا المهر، ولا كلامك، لكن عشان أنا عرفت قيمتي، ومش هرضى أقل منها.

 

ضغطت إرسال، وقلبى كان هادي لأول مرة من ساعات. حسيت إني رجعت لنفسي، لنقطة البداية، بس المرة دي أقوى، أوعى، وأغلى.

 

وحشتوني أوي بجد 

حقيقي حقيقي عدم ظهوركم مزعلني خالص فمش تبخلوا بظهوركم اللي بيفرحني. 

 

 

الصفحة السابقة 1 2 3 4