وهما بيفتحوا القـ,,ــــبرعشان يد*فنوا واحد جارنا من تلت أيام اتفاجئوا بواحدة ست جوة القـ,,ــــبر

وعلى بعد الفطار طلعت على جدتي, لقتها محضرة الفطار, ولما قولتلها إني فطرت لقيت العصاية حاضرة, اللي هو انت بتفطر ليه وانت عارف إنك جايلي, وغصب عني فطرت تاني وشربت الشاي, ورجعت أسأل السؤال من تاني

 

“مين هي سعدية الكناسة”

 

وبدون مقدمـ,,ــات بدأت جدتي تحكيلي حكاية من العجايب حرفيًا, بتقولي إن سعدية كانت متجوزة راجل عربجي من اللي بيروحوا السوق طول النهار يبيعوا الخضار ويرجع على قبل المغرب عشان ياكل وينام ويصحا يكرر نفس اليوم من تاني, أما هي فكانت عندها عادة غريبة وغير مفهومة, عادة مكانتش فيه ولا ست من ستات البلد غير عندها وبس..

 

سعدية كانت بتنام لحد قبل رجوع جوزها, وتصحا تبدأ تشوف شغلها, تنضف بيتها وتجهز الأكل وتغسل الهدوم والمواعين, وكانت بتعـ,,ــــشق التنضيف بالليل خاصةً إن جوزها كان بينام زي القتيل بالليل ومبيحسش بأي حاجة,
كانت تشغل الكشاف القديم اللي بيقلب راديو ده على الأغاني وتقعد تنضف وتجهز عيش الخبيز لحد قبل الفجر, ناس كتير اشتكوا منها بسبب صوت الأغاني وصوت الخبط والرزع اللي كان بيبقا مسموع بالليل بس ولا حياةً لمن تنادي..

 

كانت بتعمل اللي هي عاوزاه غصب عن أي حد, لحد ما في ليلة وهي بتنضف وشغالة سمعت خبط على باب البيت, استغربت مين اللي جاي في توقيت زي ده, حاولت تصحي جوزها اللي كان رافض تماما انه يصحا..

 

راحت وفتحت الباب بتوتر لقت ست عجوزة واقفة قدام الباب وغضبانة جدا, بصتلها سعدية بتعجب وقالتلها:

 

– عاوزة ايه

 

– انتي عاملة إزعاج كبير لجيرانك ومش عارفين نعيش بسببك

 

– والله ده اللي عندي يعني منضفش شقتي

 

– نضفي بالنهار زي كل اللي زيك

 

– والله ده بيتي واعمل اللي انا عاوزاه

 

– واحنا جيرانك من قبل ما تتجوزي حتى, احنا الأحق بالمكان ده

 

وبكل عنجهية قفلت سعدية الباب في وش الست وهي بتدندن وبتغني نفس الأغنية اللي شغالة, بس وقفت لحظات مع نفسها لأن كانت فيه حاجة غريبة أوي, مين الست اللي بتقول انها جارتها دي, احنا في الأرياف عارفين بعض كويس أوي, ازاي دي جارتها من زمان وعمرها ما شافتها, استغربت جدا بس عدت الموقف نوعا ما..

 
لتكملة اضغط على الرقم ٥👇👇

الصفحة السابقة 1 2 3 4 5 6 7الصفحة التالية