جتلي رسالة من مرات أخويا

مفيش حد.

 

بس على الأرض…

فيه وردة سودا،

ومعها ورقة تانية.

 

اللي جاي… هيكون أصعب.

 

رفعت الورقة،

وبصيت للسماء،

وقلت:

لو كنتي فاكرة إنك هتكسّريني،

فأنا بقولك…

أنا اللي هكسر السلسلة دي،

وهخلي الشر يندفن…

بإيدي.

 

وأنا واقفة قدام باب شقتي، الوردة السودة في إيدي، والورقة التانية بتترعش بين صوابعي، حسيت إن في حاجة لسه مستخبية…

بس المرة دي، قررت ما استناش الخوف يسبقني.

 

دخلت الشقة، قفلت الباب، وقلت لمحمد:

أنا مش هعيش مرعوبة… لازم نعرف مين وراها يمكن التالته اللي هربت. 

 

قعدنا نراجع كل حاجة، كل تفصيلة، كل اسم اتقال، كل وش ظهر،

وفجأة محمد قال:

فاكرة الست اللي كانت معاها التالته وهربت من البدروم؟

اللي كانت بتقول الكلمات؟

دي مش غريبة عليا… أنا شوفتها قبل كده.

 

قلتله وأنا قلبي بيخبط:

فين؟!

 

قال:

فاكر لما كنا بندور على شقة إيجار قبل ما نتجوز؟

الست دي كانت صاحبة مكتب عقارات…

بس ساعتها كانت لابسة نضارة سودا، وبتتكلم بطريقة غريبة،

بس أنا مش هنسى وشها.

 

فضلنا ندوّر، لحد ما وصلنا لاسمها الحقيقي:

نوال عبد الستار

والمفاجأة؟

إنها مش بس صاحبة مكتب…

دي كانت متهمة زمان في قضية شعوذة، واتحبست، وخرجت بكفالة،

واختفت بعدها.

 

بلغنا الشرطة، وقدمنا كل اللي عندنا،

وبعد تحريات طويلة، اكتشفوا إنها كانت بتشتغل مع إيمان من سنين،

وإنهم كانوا بيستغلوا الستات اللي عندهم مشاكل في الإنجاب،

يبيعوا لهم أوهام، ويزرعوا فيهم كره،

ويستخدموهم كأدوات انتقام.

 

إيمان كانت واحدة من ضحاياها في الأول،

بس بعدين بقت شريكة،

وبدأت تستخدم السحر مش بس عشان تخلف…

لكن عشان تنتقم.

 

الشرطة قبضت على نوال،

ولما واجهوها بالتسجيلات، انهارت،

واعترفت بكل حاجة…

قالت إن إيمان كانت مهووسة بتدميري،

وإنها كانت بتدفع فلوس كتير عشان تضمن إن بنتي تموت،

وإنها كانت ناوية تكمل عليا أنا كمان.

 

كل حاجة اتكشفت،

وكل اللي كان مستخبي طلع للنور.

 

المحكمة أعادت فتح التحقيق،

ونوال اتحكم عليها بالإعدام،

وإيمان اتنفذ فيها الحكم بعد أيام.

 

وأنا؟

أنا وقفت قدام قبر بنتي وأخويا،

ومسكت صورتهم،

وقلتلهم:

أنا خدتلكم حقكم يا حبايب قلبي…

بس لسه قلبي موجوع،

وكل يوم بيعدي، بحاول أتعلم أعيش من غيركم،

بس وعد…

مش هسيب حد تاني يتأذي زيكم.

 

رجعت البيت،

لقيت ماما فاقت من الغيبوبة،

وأول كلمة قالتها وهي بتبصلي:

أنا كنت حاسة… بس ماكنتش قادرة أصدق.

 

حضنتها، وعيطنا سوا،

ويمكن لأول مرة من شهور،

حسيت إني مش لوحدي.

 

الشر اتفضح،

والحق رجع،

بس الوجع؟

لسه سايب علامة…

علامة مش هتروح،

بس هتفضل تفكرني…

إني نجيت.

وإني، رغم كل حاجة،

لسه واقفة.

ولسه قادرة أكمّل.

ولسه عندي أمل…

إن اللي جاي، هيكون أهدى.

 

وحشتوني أوي يسكاكر القلب 

اتمنى ترجعوا تكتبوا كومنتاتكم العسل اللي كانت بتفرح قلبي. 

 

مسموح بمشاركة الاسكربت فقط وليس النسخ. 

 

 

الصفحة السابقة 1 2 3 4 5 6 7 8