أنا طالبة في كلية فنـ,ـون جميلة وبالأخـ,ـص في قسم النحت

ـ والله العظيم رميته في صندوق زبالة بعيد..
كنت هقع في الأرض من الرعب، قرب منه بحذر وشاله ومشي بدون ولا كلمة، وقعدت أنا في أوضتي مبتحركش، لحد نص الليل وأنا خايفة، مرعوبة، وفين وفين لما قدرت أنام، بس مسافة ما نمت صحيت على صوت خطوات في الصالة،. بالأخص قدام باب أوضتي، كتمت أنفاسي وسمعت، وجالي إيحاء إنها استحالة تكون خطوات رجل بشرية، دي رجل كيان صلب، لأن صوت خطواتها قوي، قوي أوي..
وكأن التمثال بيتمشى قدام باب الأوضة، وفي لحظة حسيت إن مقبض الباب بيتحرك، بيتفتح، كتمت أنفاسي وراقبت الباب لحد ما شوفت التمثال بيفتح باب الأوضة، وشهقت وطلعت صرخة مصرختهاش في حياتي..
صحيت لقيت أبويا وأخويا جمبي وأنا عمالة اتنفض زي اللي عندها صرع، وعمالة أردد كلمة واحدة:
ـ التمثال صاحي، التمثال صاحي..
وأول ما هديت وركزت لقيت التمثال في مكانه جمب الدولاب، وحسيت وكأنه بيبتسم كمان، فضلت أصرخ بجنون لحد ما أخويا خده برا الأوضة، وفين وفين لما قدرت أحكي لأبويا وأقوله كل حاجة، وفورًا اتصل بناس كتير لحد ما دلوه على شيخ كويس ومحترم..
وفعلًا جه الشيخ وأول ما شاف التمثال ظهر الغضب في عنيه، ومد إيده ناحية المكان التناسلي للتمثال، وحسيت إن التمثال بينكمش من مدة إيد الشيخ، وبعدها طلب حاجة يخرم بيها جسم التمثال، وبعدها طلع منه ورقة ملفوفة فيها صورتي، ورقة سحر..
لتكملة اضغط على الرقم ٦👇👇


