قلب الاسود

بدأت أتعامل معاها كويس أوي في الفترة دي واعتذر لأبوها كتير لحد ما رجع يثق فيا تاني، وقتها كانت فيه فكرة مُخيفة بتتمحور في ذهني، خاصةً إني كنت بروح لشيخ كل فترة يديني أحجبة أحصن نفسي بيها، اتفقت معاه وقالي إنه موافق بس هياخد مبلغ كبير أوي..
وبقا كل همي جوزي يصدق إن البنت ملبوسة ولازم شيخ يعالجها، ولما يجي الشيخ هيخلص عليها ويقول ماتت أثناء الجلسة، وأبوها مخافة من الشرطة هيدفنها ويسكت، بس ازاي أقنع أبوها إنها ملبوسة، الشيخ قالي هنخليها ملبوسة بجد، قالي لو البنت قعدت في البانيو عريانة وأنا رشيت السائل ده في مية البانيو وطفيت النور عليها وخافت هتتمس..
وفعلًا وبدون تفكير بدأت أنفذ، خدتها عشان تستحمى وحطتها في البانيو في المية إياها، وقفلت عليها الباب والنور لحد ما بدأت تخاف وتصرخ، الشيخ قالي دقيقة واحدة تكفي، وبعدها فتحت، البنت كانت بتترعش وجسمها متخشب وشكلها غريب، خدتها للسرير واتصلت بأبوها وقولتله بنتك تعبانة، رجع يجري وراح كشف عليها وبدأت تتحسن نوعًا ما..
من يومها بقت بتصيبها حالات صرع، تشنج، تصحى تصرخ بالليل، أعراض مس مشهورة أوي..
وبدأت أنا كمان أصحى مرعوبة وأقوله بنتك بتحاول تقتلني، بنتك واقفة في الضلمة، كنت بزود الإيحاء جواه عشان يصدق، أسبوع كامل لحد ما بدأت أصرخ أنا كمان وأقوله إني مش قادرة اتحمل الرعب ده ولازم نعالجها في أسرع وقت، وفعلًا استجاب في النهاية..
لتكملة اضغط على الرقم ٣ 👇👇


