ازاي بنت اختي كانت السبب إني اشتغل في أكبر شركة محاماة في البلد

السكرتيره بتجري وراها.. وهي بتعتذر “أنا أسفه جدًا.. هي قالت عايزة تستخدم الحمام.. بس جت على هنا”
قبل ما أي حد يلحق يعمل أي رد فعل على اللي بيحصل.. بنت أختي وقفت مباشرة قدام رئيس مجلس الإدارة وهي بتبص له من فوق لتحت وبعدها سألته بصوت واضح وهي باين عليها الاهتمام بجد “هو انت البيج بوس هنا؟؟”
رئيس مجلس الإدارة اتجمد في مكانه.. رفع حاجبه وهز راسه ببطء.. كنت حاسه إن مستقبلي المهني بينتهي قدام عيني في نفس الثانية..
بنت اختي فتحت شنطتها وطلعت منها عبوة كيك متعجنه وسط الكتب بتاعتها.. ملفوفة في ورق بلاستيك وقالت “خالتو قالت إن البيج بوس هنا مخيف جدًا.. وممكن ده يخليها تتلخبط في كلامها عشان مخها مش بيشتغل كويس لما بتتوتر..”
حطت الكيك قدام رئيس مجلس الإدارة المصدوم وكملت كلام “لما أنا بخاف في المدرسة ماما بتديني كيك عشان بتقول إن السكر بيخلي الشجاعة تظهر.. عشان كده أنا سيبت لك دي من الغدا بتاعي.. عشان تبطل تبقى مخيف وخالتو تعرف تاخد الشغل ده معاكم”
ماكنتش عارفه أحدد لو نزلت تحت الترابيزة دي دلوقتي حالًا هتكفيني واعرف استخبى والا لا..
قبل ما احدد.. رئيس مجلس الإدارة.. الراجل اللي بيخلي الشركا الجداد يعيطوا أثناء تقييمات الأداء ضحك بصوت عالي من قلبه..
وبعدها قال لبنت اختي وهو بيطلع الكيك من العبوة البلاستيك ” اها.. دي أكتر مقابلة تقييم صادقة حضرتها في حياتي”
قال جملته وبعدها أخد قطمه من الكيك وبص لي وفتافيت الكيك لسه على بقه وقال ” بنت اختك عندها حق.. انا فعلًا كنت مخيف بشكل مبالغ فيه وبدون داعي.. خلينا نبدأ من أول وجديد المقابلة… بس المرة دي أحب أسمع ازاي اشتغلتي على أخر قضية ليكي.. انا قريت السي في بتاعك وكان ممتاز”
المقابلة استمرت بس المرة دي بلهجة وطريقة مختلفة تمامًا.. بنت اختي كانت قاعده على كرسي رئيس مجلس الإدارة نفسه عماله تلف بيه وتتمرجح.. كانت مبسوطة..
لتكملة اضغط على الرقم ٤👇👇


