مريضة داخلة عليا بطنها قدامها

مريضة داخلة عليا بطنها قدامها وإيدها في ضهرها زي سهير البابلي وهي داخلة تولد في فيلم ليلة عسل.. من غير سؤال هي شكلها حامل وعلي وش ولادة بالذات إنها داخلة تصوت وبتقول نازل عليها دم من ساعتين..

 

– “ألف سلامة عليكي يا ست الكل.. إنتي حامل ؟!”..

 

= أختها مستنكرة ولسان حالها بيقول (مالك !.. عميتي !.. مش شايفة بطنها قدامها !).. “ودي محتاجة سؤال يا دكتورة ؟!.. دي جايه تولد.. مش عارفة ليه دكتورة النسا صممت تبعتها تعمل سونار وتجيب تقرير قبل ما تولدها !.. وهو ده وقته برضو !”..

 

– “معلش.. طيب اطلعي عالسرير.. نامي واكشفي بطنك”..

 

€ المريضة مكملة في الصويت وبتشد في دراعي اللي ماسكة بيه البروب.. “مش قادراااااااه”..

 

= أختها مربتة علي كتفها.. “معلش يا حبيبتي.. امسكي نفسك شويه بس وعضي في أي حاجة”..

 

– أنا بسحب إيدي بسرعة وأنا متوجسة خِيفة.. “اوعي البروب.. الجهاز عهدة .. هاتوديني في داهية وأنا كده كده رايحة.. مش ناقصاكي”..
لتكملة اضغط على الرقم ٢ 👇👇

1 2 3 4 5الصفحة التالية