الشخص الي قدامك ده تم اتهامه في قتـ،ل مراته الي معاه في الصورة واتسجن بالفعل

وبعد التحقيقات مع روس تقرر الشرطة ان كل الادلة ضده ومافيش اي دليل واحد يشيل عنه التهمة وفي المحكمة يتحكم عليه بالسجن مدي الحياة ، لكن من هنا تبتدأ القصة
بيتسجن روس من ٢٠١١ لحد ما تيجي سنة ٢٠١٥ يعني حوالي ٥ سنين في السجن لحد ما يظهر محامي يراجع اوراق القضية مرة تانية
المحامي ده اكتشف ان القضية ديه فيها ثغرات كتير وكان مقتنع ان روس برئ من التهمة وفعلاً تتفتح القضية تاني ويتعاد النظر فيها ، بس قبل ما اقولك الي حصل تعالي نرجع بالزمن شوية ونتعرف اكتر على روس و زوجته بيتسي
سنة ١٩٦٩ اتولدت بيتسي في اسرة فقيرة في امريكا ، لما كبرت قررت تعتمد على نفسها وتساعد اسرتها وبدأت تشتغل في اكتر من مكان لحد ما استقرت في شغلانه وهي عاملة في بنزينة وقود
لحد ما نيجي سنة ٢٠٠٠ ويدخل شخص البنزينة اسمه روس علشان يحط بنزين في العربية بتاعته ، هناك شاف بيتسي وتقريبًا اتولد حب من اول نظرة واعجاب متبادل وبعد كام شهر تتم مراسم الزواج بينهم
اتجوزوا وخلفوا بنتين وكانت حياتهم طبيعية لكن كانوا بيواجهوا مشكلة واحدة بس وهي ان ظروفهم المادية ماكانتش مستقرة وفضلت ماشية الحياه لحد ما نيجي سنة ٢٠١٠
بيجي اتصال لـ روس من المستشفي بيطلبوا منه يجي بسرعة لأن مراته بيتسي وقعت وهي شغالة في البنزينة وحالتها صعبة ، بيوصل بسرعة للمستشفي علشان الدكتور يبلغه أن مراته بتعاني من سر*طان الثدي وفي مرحلة متأخرة
طبعًا اتأثر بالخبر وصارح زوجته بيه وقالها انا هعمل كل الي اقدر عليه علشان اوفرلك مصاريف العلاج ، لكنها ردت عليه وقالتله ان مايهمنيش اي حاجة دلوقتي غير اني استمتع بالي باقي من حياتي
يعدي الوقت وحياة بيتسي تتغير بعد ما سابت الشغل وبقت عبارة عن خروج وفسح ومعاها جلسات الكيماوي بشكل منتظم ، والي كان موجود جنبها دائما في الفترة ديه هو جوزها وبناتها وصديقة عمرها “بام”
ونيجي لسنة ٢٠١١ وفي ميعاد جلسة الكيماوي ياخد روس مراته للمستشفي ويسيبها هناك ويقولها انه نازل يقعد مع صحابه وأول ما تخلص تكلمه يجي ياخدها
بعد ما خلصت بيتسي الجلسة اتصلت بـ روس وقالتله ان صديقتها بام هتوصلها وطلبت منه يخليه قاعد مع صحابه وده بالفعل الي حصل
في نهاية اليوم بعد ما خلص روس قعدته مع صحابه سابهم ومشي ، لكن وهو في الطريق حس انه جعان في عدي على واحد من المحلات اشتري سندوتش وخد الفاتورة ومشي
بيوصل روس البيت ويفتح الباب علشان يشوف المنظر قدامه ، مراته ميـ.ته وسايحة في د*مها زي ما قولنا في بداية القصة
لتكملة اضغط على الرقم ٤👇👇


