نفس الكاس

الدم نشف في عروق وشه … حسيت إنه هيجي له جلطة … بينما أنا دخلت بـ دان للحفلة وقعدنا نندمج مع الناس في الجنينة!
كنت حاسة بـ عين بابا بتخترق طبقات الهواء ناحيتي وده خلاني أحاول أتعامل بشكل لطيف بزيادة مع دان وأنا قرفانة منه!
دان حاول يمسك ايدي وهنا بابا في أقل من جزء من الثانية كان واقف قدامه وشد ايدي وقال لي بصوت بيرتعش من الغضب “عايزك في كلمتين”.
رحت معاه على أوضة مكتبه وهناك بابا انفجر فيا إن دي علاقة غريبة وإن ده راجل أده أو يمكن أكبر منه! هزيت كتفي باستغراب وقلت له “الحب ما يعرفش سن يا بابا”!
بابا فضل يصرخ فيا إني مش كده وإني بخرب حياتي بعلاقتي بالراجل الـ “كهنة” ده وإنه منتهي الصلاحية من سنة 1993! وإنه – على الأرجح – ما يعرفش إن فرقة سبايس جيرلز بطلِت تغني!
وإن بس البنات الصغيرة بترتبط براجل سنه كبير عشان الفلوس لكن أنا ناقصني إيه عشان أقع الوقعة دي؟
فضِلت ساكتة وأنا بهز أكتافي بعدم اقتناع وفي الآخر قلت له إنه ما دام وجودي أنا و”دودو” مش مقبول فـ أنا هاخده وأمشي لكن مش مسموح إطلاقاً إنه يتكلم عليه بشكل سيء!
وأنا خارجة من أوضة المكتب جت عيني في عين صاحبته اللي كانت واقفة
لتكملة اضغط على الرقم ٥👇👇


