كنت قاعدة على السرير، بإيدي الإكسسوار اللي بقي جزء مني من كتر ما كنت بحبه

 

كل خطوة كنت بخدها، الموج بيهدى، كأنه مستنيني.

لحد ما وقفت، ومدّيت إيدي بالإكسسوار وقلته بصوت عالي:

ـ “أنا رجّعته! خلاص! خُدوه بس سيبونا ف حالنا!”

 

لحظة واحدة، والريحة اتغيرت، الهوا بقى دافي كأنه حضن.

الضوء لف حواليا، وظهر قدامي خيالين… أبويا وماما.

كنت هصرخ، بس الصوت اتكتم ف قلبي.

 

أبويا ابتسم وقال بهدوء:

ـ “كنّا مستنيين اللحظة دي يا حور… الإكسسوار دا اتعمل لحماية العيلة، بس لما طلع من مكانه اتحولت الحماية لعقاب.”

 

دموعي نزلت:

ـ “كنتم بتحموني؟!”

 

هز راسه بابتسامة:

ـ “دلوقتي الدور خلص، احنا مطمنين.”

 

وبمجرد ما قال كده، الضوء اختفى، والموج رجع طبيعي…

لقيت الإكسسوار في إيدي مطفي تمامًا، شكله عادي زي أي قطعة دهب.

 

أحمد جري ناحيتي وضمني، وهو بيقول بصوت واطي:

ـ “خلص؟”

 

بصيتله ودموعي لسه على خدي:

ـ “خلص… بس عمر ما هيبقى زي قبل كده.”

 

رجعنا البيت، وأنا حاطة الإكسسوار في علبة مقفولة، جوه دولاب مقفول بالمفتاح.

كل ليلة، وأنا بنام، بحس إن فيه ريحة بحر خفيفة ف الأوضة…

بس المره دي، مش بخاف.

يمكن… لأنهم لسه حواليا

وحشتوني 

 

 

 

الصفحة السابقة 1 2 3 4 5 6