المرأة المت.حولة للكاتب/ أحمد محمود شرقاوي

بس كان الناس صحيوا ودخلوا للبيت، ومن ضمنهم أبو الطفل اللي أول ما شاف الموقف مقدرش يتمالك نفسه وخبطها على دماغها خبطة وقعها ميتة في لحظة، وساد الهرج والمرج في المكان ومحدش فاهم الست دي عملت كدا ليه ولا بتعمل ليه كدا، ولما كملنا في باقي البيت لقينا نص كلب مدبوح، وأجزاء من لحمته مطبوخة في الحلة، مشاهد بشعة مش هنساها طول عمري إطلاقًا..

وفضل الموضوع لغز، لغز كبير لحد ما ظهر راجل من برا البلد، كان عارف الست دي وعارف حكايتها الكاملة، واستغرب إنها لسة عايشة، وبدأ يحكي أغرب قصة الواحد ممكن يسمعها في حياته..

قال إن الست دي كانت متجوزة وكانت هوايتها الوحيدة تقعد قدام بيتها وتراقب الناس وتتكلم على دا وعلى دا، مكنتش سايبة حد في حاله وبتأذي كل الناس بلسانها، وتتكلم في الأعراض والشرف والماديات، لدرجة إن الناس بطلوا يعدوا من قدام بيتها خوفًا من كلامها وعنيها..

جوزها مع الوقت هجرها وسابها لوحدها، لحد ما سكنت جمبها ست اسمها منى مسلمتش برضه من لسانها إطلاقًا، وفضلت تتكلم عليها وتجيب سيرتها، واتخانقوا مرة واتنين بس هي مبطلتش، وبدأت كمان تقول إن منى بتروح لدجال وبتعمل أسحار، بل وبتروح للدجال الفلاني وتبيع شرفها مقابل الأسحار..

لتكملة اضغط على الرقم ٦👇👇

الصفحة السابقة 1 2 3 4 5 6الصفحة التالية