المرأة المت.حولة للكاتب/ أحمد محمود شرقاوي

والحقيقة إن منى كانت بتعمل كدا بس مكنتش بتبيع شرفها، فضلت تستفز فيها لحد ما منى راحت للدجال وقالتله عاقبها عقاب أبدي، وقالها محتاجها تزورني زيارة بس، وراحت منى تتودد منها وتعتذرلها، وحكتلها فعلًا إنها بتروح لدجال وبتعمل أعمال عشان جوزها يفضل تحت رجليها، وإنها ممكن تخلي الدجال يعملها عمل وجوزها يرجعلها مرة تانية..

الست فرحت وراحت معاها، والدجـ,ـال عملها سحر على كلب صاحي، ومن يومها فقدت النطق، بل وبدأت تزوم زي الكلاب وت.. الحيوانات، لحد ما أهل البلد ما قدروش يتحملوها أكتر من كدا وطردوها، وجت لبلدنا، جت وهي مجنونة، ملعونة، وبقت يوميًا تطلع بالليل تمسك الكلاب وتطبخها وتاكلها، وتنبح زيهم، بل وكانت بتنام بنفس وضعية الكلب..

وكأنها رسالة للي بيغتاب الناس ويمشي بينهم بالنميمة، أنت كلامك اللي بيخرج وقتها بيكون سيء زي نباح الكلاب، حاجة ربنا نهى عنها تمامًا، إنك متتبعش عورات الناس ولا تغتابهم ولا تمشي بالنميمة بينهم، ملكش دعوة بحد، ولا تجيب سيرة حد، يمكن الست دي لو كانت في حالها كان زمانها لسة متجوزة وعايشة سعيدة، بس هي اختارت أسوأ طريق ممكن وجالها عقاب محدش يتمناه لحد إطلاقًا..

[وَلَا يَغْتَب بَّعْضُكُم بَعْضًا] سورة الحجرات

بقلم/ أحمد محمود شرقاوي

 

 

الصفحة السابقة 1 2 3 4 5 6