امبارح جتلي مكالمة شغل من واحدة ست بتطلبني عشان أحيي فرح ابنها في بلد بعيدة شوية

وفي الميعاد المتحدد كنت محددة الأغاني اللي هتتغنى, وكانت الرقاصة جهزت نفسها وباقي البنات بتوع الفرقة وبتاع الطبلة والمزيكا, والفرقة بقت مُستعدة للتحرك فورا على بيت صاحبة الفرح,

طلعنا على البلد المنشودة وطبعا معايا القطة لوسي بتاعتي اللي مبتحبش تسبني ولو لحظة واحدة حتى في أفراحي, ودايما كنت باخدها وأوقات أسيبها في العربية, وأوقات تبقا على المسرح مبسوطة وبترقص معانا كمان..

 

وصلنا على بعد الضهر على بيت الست حمدية اللي استقبلتنا استقبال كبير وكانت الفراشة والمسرح منصوب وجهزولنا أوضتين نستريح فيهم لحد بالليل, وشوية ونزل أكل كتير أوي للفرقة عشان نتغدى ونشرب الشاي والقهوة,

كانت ست غنية وشكلهم مبسوطين أوي, عشان كدا نبهت عليهم يركزوا أوي ويهتموا بكل تفاصيل الليلة عشان الست تزود ايديها في الفلوس بعد ما الليلة ما تخلص..

 

بس وانا بتكلم لمحت نظرة خوف في عين بنت من البنات, ولما سألتها عن سبب خوفها قالت ان المسرح منصوب جمب المقابر, وده معناه إن المغنى والعزف هيبقى كله واصل للأموات, كلنا بلا استثناء ضحكنا عليها وانا بكل سخرية قولتلها:

 
لتكملة اضغط على الرقم ٣ 👇👇

الصفحة السابقة 1 2 3 4 5 6 7الصفحة التالية