امبارح جتلي مكالمة شغل من واحدة ست بتطلبني عشان أحيي فرح ابنها في بلد بعيدة شوية

“لو الأموات يحبوا يصحوا ويرقصوا معانا يبقا أهلا وسهلا”
وعدى اليوم وعلى بالليل بدأ المعازيم يحضروا للحفل, وطلعت أنا على المسرح بعد ما الرقاصة ولعت الجو كعادتها, وبدأت أغني وأسلطن العقول بصوتي, شوية شجن, وشوية غُنى شعبي, وشوية أغاني تولع المكان, وفضلت كدا يمكن ساعتين كاملين,
لحد ما في وسط المجهود والعرق اللي بينزل مني شوفت القطة لوسي واقفة على أول خشبة المسرح وفي عنيها نظرة فزع غريبة وواقفة منتصبة وبتبص ناحية المقابر اللي كانت على مرمى البصر ومواجهة للمسرح, عكس المعازيم اللي كانوا باصين ناحيتي, يعني احنا بس اللي كنا شايفين المقابر..
صوتي اتهز شوية وانا مركزة مع لوسي اللي كانت بتتهز ولسة مبرقة ناحية المقابر, وكأنها شايفة حاجة,
أو بتشاور لحاجة بخوف, ولما خدنا خمس دقايق استراحة سمعت بنت بتكلم البت اللي بترقص وهي مريحة شوية وبتقولها القطة شايفة جن المقابر اللي واقفين يتفرجوا علينا..
الكلمة خلت جسمي كله يترعش وريقي ينشف, شرب مية كتير وبدأت لوسي تهدى وتلاعبني ولا كأن فيه حاجة, بس مسافة ما بدأت أغني من تاني بدأت تقف نفس الوقفة وتركز نظراتها على المقابر, المقابر وبس, ولما حاولت أركز أنا كمان بدأت من وسط الظلام أشوف أجسام لونها ضبابي واقفة زي التماثيل,
لتكملة اضغط على الرقم ٤👇👇


