انا أسمي وليد, طالب جامعي في السنة الأولى

المبنى ضخم جدا وهادي جدا جدا, رحت قبل بداية الدراسة بيومين عشان ارتب نفسي واعرف المكان واتعود عليه, رحت الجامعة وقابلت المشرف وهناك سجل اسمي وسلمني المفتاح اللي عليه رقم الغرفة وقالي شوية بنود حافظهم وكان واضح إنهم بيرددهم, زي المحافظة على النضافة وغيرها من الحاجات المعروفة من حيث السلوك والانضباط وغيرهم.

 

رحت السكن, مبنى ضخم وهادي جدا, استقبلني البواب على الباب ومسألنيش كتير لما شاف الشنطة اللي في إيدي, كان باين عليا إني طالب جديد, سألته عن رقم الغرفة بتاعتي قالي الدور التالت ورجع يكمل كتابة في دفتر كبير قدامه بعد ما سألني عن اسمي والسنة الدراسية وبعدين سابني ادخل.

 

كان واضح إن فيه طلاب وصلوا قبلي وكان باين عليهم إنهم في السنة الأولى زيي, لإنهم كانوا بيتعرفوا على بعض ومستغربين المكان وكانوا بيتمشوا كإنهم بيتعرفوا على سكنهم الجديد.

 

لتكملة اضغط على الرقم ٣ 👇👇

الصفحة السابقة 1 2 3 4 5 6الصفحة التالية