انا أسمي وليد, طالب جامعي في السنة الأولى

صليت وطلعت قعدت في الصالة في محاولة لكسر الغموض, اللي بيني وبينه, سألته عن اسمه واتكلمنا شوية كلمات قليلة عرفت منها إنه في سنة رابعة, واسمه هشام, وساكن في نفس الأوضة من 3 سنين مبيحبش يغيرها أو يمشي منها.

 

طول فترة إقامتي معاه كان كلامنا قليل جدا, وتقريبا مشوفتوش بياكل ولا بيشرب قبل كدا, دايما لما اصحى ألاقيه صاحي, بيظهر ويختفي فجأة. 

 

لا عمره كلمني عن أهله ولا عن نفسه ولا عن أي حاجه, كنا بنتكلم في موضوعات عامة, وأحيانا لما كنت اكلمه عن المستقبل وخططه وكدا كان يبان على وشه الضيق والحزن ولما أسأله مالك يقولي مفيش عادي.

 

في مرة كنا قاعدين بنتكلم بعد العشا وسمعت صوت قطتين بيتخانقوا مع بعض بره كعادة كل يوم ولما قولتله صوتهم مزعج وبيضايقني, قالي مش هتسمعهم تاني وفعلا صوتهم سكت في نفس اللحظة وبعدين مسمعتش صوتهم في أي يوم تاني.

 

وفي مرة برضو كنت بحلم بجاثوم وبعافر معاه في النوم ولقيته جي صحاني ولحقني منه ومن فرحتي بإنه صحاني نسيت أسأله عرفت إزاي إن معايا جاثوم أو اسأله جيت صحيتني ليه؟

 

في مرة رجعت من المحاضرات وناديت عليه كالعادة لكني مسمعتش صوته, دورت عليه ملقيتوش فقولت يمكن خرج, دخلت الحمام ولما طلعت لقيته قاعد في الصالة, سألته فينك دورت عليك قالي كنت في السرير بتاعي وأنا متأكد إني مشوفتوش.

 

لتكملة اضغط على الرقم ٥👇👇

الصفحة السابقة 1 2 3 4 5 6الصفحة التالية