كنت قاعدة في أوضتي عادي، بجهّز نفسي علشان فرح صحبتي

 

يغضب، يزعق، يمكن يلومني إني سايبه يمد إيده على خصوصيتي.

لكن أول كلمة قالها وهو ماسك الموبايل:

اللي يعمل كدا مش راجل… واللي يهدد بنت بصورها عمره ما هيصونها ولا يصون بيته.

الكلمة دي ريّحت قلبي بطريقة غريبة، حسيت إني رجعت أتنفس.

أبويا ما سكتش، خد قرار فوري:

الخطوبة دي هتتفشكل دلوقتي. وأنا اللي هقف قصادهم وأقول إن مفيش نصيب. وما تقلقيش من الصور، اللي يمس بنتي بسوء هيتحاسب.

في اللحظة دي اتأكدت من حاجة:

أي بنت لو اتعرضت لتهديد زي ده، عمر ما الحل إنها تسكت. بالعكس، لازم تقول لأهلها. لأنهم السند الحقيقي، اللي هيقفوا قصاد أي حد يجرّحها أو يهدد سترها.

 

فضلت قاعدة في حضن أمي بعدها، وهي بتطبطب عليا وتقوللي:

اللي يطلب منك تقلعي حجابك أو يتاجر بسترِك ده مش رجولة يا بنتي، دي خيانة للدين قبل ما تكون خيانة ليكي.

 

ساعتها دموعي نزلت أكتر، بس المرة دي مش دموع ضعف… دموع راحة إني لقيت أهلي جنبي، وإن اللي كنت فاكرة إني هتهزمه لوحدي، لقيت جيش ورايا يحميني.

 

بعد اللي حصل معايا ومع أهلي، كنا كلنا عارفين إن الموضوع لازم ينتهي… بس مش ينتهي عادي. لازم يعرف إن التهديد مش هزّني ولا كسرني، وإن ربنا وأهلي هما سِتري الحقيقي.

 

أبويا جمعنا وقال:

“إحنا مش هنسيب الموضوع يعدي كدا… بكرة هروح أنا وأخوكي لعيلته وننهي كل حاجة قدامهم.”

 

تاني يوم صحيت وأنا قلبي بيرتعش، ساعات بحس إني قوية، وساعات الخوف يرجع يسيطر عليا. بس كنت مسنودة… بصيت لأخويا وهو واقف جنبي وقالي:

“ماتخافيش، إنتي أمانة في رقبتنا… واللي يفكر يهددك، إحنا اللي هنهدده.”

 

رحنا بيتهم، كنت قاعدة ورا أبويا وأخويا، ومش قادرة أبص في وش خطيبي. أول ما شافني ابتسم ابتسامة كلها غرور، كأنه متأكد إني مش هقدر أواجه. بس أبويا قطع ابتسامته وقال بصرامة:

“إحنا جايين ننهي الخطوبة… والموضوع خلص من غير نقاش.”

هو اتفاجئ وقال باستهزاء:

“وإيه السبب يعني؟ دي خطيبتي وأنا حر أقولها تلبس إيه ما تلبسش إيه.”

أبويا رد بكل ثبات:

 

 
لتكملة اضغط على الرقم ٧👇👇

الصفحة السابقة 1 2 3 4 5 6 7 8الصفحة التالية