كنت قاعدة في أوضتي عادي، بجهّز نفسي علشان فرح صحبتي

 

“الخطوبة دي انتهت. مايشرفناش نخلي بنتنا في بيت حد زيك، وأي محاولة لابتزاز أو فضيحة، هتعرف ساعتها يعني إيه عيلة واقفة سند لبنتها.”

 

خرجنا من عندهم وأنا حاسة إن جبل اتشال من فوق صدري. كنت فاكرة إني هنهار، بس لقيت نفسي واقفة على رجلي. يمكن دموعي نازلة، بس في قلبي راحة… راحة إن ربنا نجاني من حد زي ده قبل ما أبقى مراته.

بعدها بأيام، وأنا قاعدة مع ماما وأخويا، حسيت إني محتاجة أوجّه رسالة لأي بنت ممكن تمر بنفس اللي مرّيت بيه. قلتلهم:

“عارفين إيه اللي علّمتني التجربة دي؟ إن مفيش راجل حقيقي يطلب من خطيبته أو مراته تسيب فرض ربنا علشان ترضيه. واللي يهدد بنت بصورها يبقى مش راجل، ده خيانة للستر اللي ربنا رزقه بيه.”

ماما قالتلي وهي ماسكة إيدي:

“أيوه يا بنتي، والحجاب ده مش اختيار… ده فرض. واللي يبيع فرض ربنا علشان نزوة يبقى باع نفسه قبل ما يبيعك.”

ومن اللحظة دي، قررت ما أخافش من كلمة “فضيحة” تاني. عرفت إن الفضيحة الحقيقية مش للبنت اللي اتعرضت للتهديد… الفضيحة للرجل اللي سمح لنفسه يهدد، ويفكر إنه يمشي كلمته على حساب ستر ربنا.

 

أنا دلوقتي بحكي قصتي مش علشان أوجع قلبي تاني، لأ… علشان أي بنت تتعلم إن أول ما تتحط في موقف ابتزاز أو تهديد، ماتسكتش. تروح على طول لأهلها، تحكي وتطلب السند. لأن الأهل مش هيتخلوا عنها، بالعكس، هيبقوا السور اللي يحميها من أي ذل.

 

اللي حصل خلاني أقوى، خلاني أفهم إن الرجولة مش كلام، الرجولة أمان وستر وصون. وأكتر حاجة ارتحتلها إن ربنا وراني حقيقته بدري، قبل ما أبقى في بيته.

 

وبنات كتير لازم يفهموا حاجة:

لو حد قالك “قلعي حجابك علشاني”، صدقي إن ده أول طريق يبعدك عن ربنا. واللي يطلب منك كدا مش بيحبك، ده بيحب نفسه وعايز يثبت سيطرته عليك.

 

أنا يمكن اتوجعت، يمكن اتصدمت، بس دلوقتي واقفة أقولها بكل ثبات:

“اللي يوافق يخرج أهل بيته بالمنظر ده مايتسماش راجل. واللي يهدد واحدة بالصور علشان يخوفها، نهايته إنه ينفضح. واللي يرضى يبعدك عن ربنا… يبقى عمرك ما تقربي منه.”

 

انتهت خطوبتي… بس بدأت قوتي.

 

اتمنى من كل قلبي ان البارت يعجبكم ودعواتكم لي بكرة يوم مهم اووي بنسبة لي ادعولي يعدي على خير 

 

واخيرًا وليس اخرًا بحبكم جدا يا حبايب قلب حور، وسيبولي كومنتات عسولة زيكم كدا 

 

 

الصفحة السابقة 1 2 3 4 5 6 7 8