كنت قاعدة في أوضتي أراجع شوية حاجات على الموبايل، لحد ما جتلي مسدج

والله يا حور، لمست واحدة من الإيدين.. كانت باردة جدًا.. باردة لدرجة وجعتني. والجلد كان زي التلج، كأنه لسه خارج من فريزر!
حسيت عرقي ساقع على جسمي كله. بصيت على الباب الحديدي للورشة.. كان مفتوح نص فتحة، والضلمة جواه عاملة زي بير مالوش آخر.
وقفت لحظة مترددة.. أكمل وأدخل؟ ولا أسيب كل حاجة وأهرب؟ بس سؤال واحد كان بيخبط في دماغي زي المطرقة:
إيه اللي مخبيه عدي جوزي جوا الورشة دي؟
بصيت لسلمى وانا حاسة إني بخون نفسي لو ما دخلتش. قلتلها رغم رعشة صوتي:
– لازم نعرف في إيه.. مينفعش نسكت.
سلمى هزت راسها ببطء وقالت بصوت واطي:
– لو دخلنا ومحدش لحقنا؟
شدّيتها من إيدها وأنا بقول:
– خلاص، ندخل سوا.. بس لو حسيتِ إن في حاجة غلط، اجري على طول.
دخلنا من باب الورشة.. أول ما خطينا أول خطوة، الهوا اللي جوا كان أبرد من برة بمراحل. نفسنا كان بيطلع بخار كأننا واقفين في تلاجة. الأرضية ناشفة بس ريحتها غريبة.. زي صدأ مختلط بريحة لحـ’م قديم.
النور كان ضعيف.. لمبة صفرا متعلقة في السقف وبتترعش كل شوية، تدي ومضة وتنطفي كأنها بتم*وت.
الممر اللي في الصورة قدامنا. الإيدين! يا الله.. ماكانتش صورة وخلاص.. كانوا حقيقيين. عشرات الإيدين طالعة من الفتحات بين الخشب، منهم اللي واقفة متيبسة، ومنهم اللي بيترعش، ومنهم اللي بيحاول يمد أكتر كأنه عايز يمسكنا.
سلمى شهقت بصوت مسموع، وأنا قلبي وقع في رجلي. بس حاولت أثبت وأقرب. مدّيت إيدي بحذر ناحية واحدة من الإيدين.. أول ما لمستها، كنت هصرخ! باردة بشكل لا يوصف.. باردة كأني لمست قطعة تلج بس طرية، فيها عروق وجلد.
سحبت إيدي بسرعة وأنا برتجف. سلمى قالت بخوف:
– دول يا حور دول عايشين. بس متجمدين!
عيوني جريت على آخر الممر.. الباب الخشبي متسند بخشب عشوائي أكتر، كأنه متقفل عمدًا. بس الغريب إن من وراه كان في نور خفيف، أبيض وبيخطف النظر.
قلت لسلمى:
– النور ده مش طبيعي.. لازم نشوف إيه في وراه.
وإحنا بنمشي، الإيدين بدأت تتحرك أكتر.. كأنها حسّت بينا. في إيد ضر*بت في رجلي وأنا معدية، وفي إيد تانية مسكت طرف هدومي ولولا إني شديت بسرعة كانت جذبتني ناحيتها.
وصلنا للباب.. قلبي كان هيقف. سلمى بصتلي وقالت:
– لو فتحنا الباب ده.. حياتنا مش هترجع زي الأول.
وبإيد بترجف، بدأت أفك خشبة ورا خشبة. كل مرة أشيل واحدة، الإيدين اللي حوالينا تتحرك أكتر وتخبط في الخشب كأنها بتعارض.
أخيرًا الباب اتفتح نص فتحة.. وطلع من وراه ضوء أبيض قوي وبرودة أضعاف اللي كنا فيها. مدّيت راسي أبص جوا..
ويا ريتني ما عملت.
لتكملة اضغط على الرقم ٣ 👇👇


