كنت قاعدة في أوضتي أراجع شوية حاجات على الموبايل، لحد ما جتلي مسدج

همست لسلمى:
– هو.. هو ده الوقت اللي نواجهه فيه.
نزلنا لتحت، أول ما دخل البيت شافنا، ابتسم وقال:
– حور.. وحشتيني.
بس أنا ماقدرتش حتى أرد. كنت ببص في عينيه أحاول أفهم.. هل ممكن يكون هو السبب في الجحيم اللي في الورشة؟
سلمى ماستحملتش، وصرخت في وشه:
– إنتَ مخبي إيه جوه الورشة يا عُدي؟!
وشه اتغير فجأة، ابتسامته وقعت، وبقى شكله مرعب.
قالي بنبرة هادية بس وراها غضب:
– مين سمحلكوا تدخلوا هناك؟
الدم برد في عروقي. بصيتله وأنا بصوتي بيترعش:
– الناس اللي هناك.. دول مين؟ ليه متجمدين بالشكل ده؟!
ضحك ضحكة قصيرة باردة وقال:
– إنتي ماكانش لازم تعرفي.. ده مش مكانك.
سلمى صرخت:
– دول بني آدمين يا عُدي! إنتَ عملت فيهم إيه؟
قرب مننا خطوة خطوة، وصوته بقى أخطر:
– دول أسراري.. وأي حد يلمس سرّي.. يبقى واحد منهم.
أنا كنت هقع من الصدمة. يعني الورقة اللي قريتها صح. هو فعلاً اللي عامل كده. بس إزاي؟ وليه؟
فجأة البيت كله هز، الكهربا قطعت، والظلمة غرقت المكان. سمعت صوت خطوات تقيلة طالعة من الورشة، وصوت زحف كأن فيه عشرات بيجروا على الأرض.
ولما الكهربا رجعت ثواني.. شُفت! الإيدين اللي كنا شايفينها في الورشة، بقوا جوا البيت! متجمدين بيتحركوا ببطء ناحيتنا.
صرخت وفضلت أجري مع سلمى، والناس المتجمدين بيقربوا أكتر وأكتر، عينيهم فاضية وبرودهم قاتل.
عُدي واقف في النص، رافع إيديه وكأنه بيتحكم فيهم. صوته كان عامل صدى مرعب وهو بيقول:
– محدش هيعرف يوقفني.. السر ده ليَّ أنا.
لتكملة اضغط على الرقم ٥👇👇


