أنا كنت مرمية في المستشفى،

أختك؟ أختك كانت بتحاول تعيش، كانت بتدور على نفسها وسطكم، وسط القهر والضرب والإهانة. أنتم اللي خلتوا حياتها جحيم، مش هي اللي غلطت!

 

صرخ في وشي، صوته كان بيكسر جدران المستشفى:

قولتلك مش عاوزها! وخلص الكلام!

 

رديت عليه، وأنا واقفة بصعوبة، بس صوتي كان ثابت، قوي، رغم الوجع:

أنا اللي مش عاوزة أب زيك لعيالي، يطلعوا قاسين، يكرهوا البنات، ويكملوا نفس السلسلة. طلقني دلوقتي!

 

سابني ومشي، وسابني في دوامة، عقلي مش قادر يستوعب.

ذنبها إيه بنتي؟ إيه ذنبها إنها اتخلقت؟

واحد زي دا، خلّى أخته تهرب من البيت، من كتر القهر، وجاي يكمل المسيرة، عاوزني أرمي بنتي؟

استحالة! دي بنتي، دي حتة مني، دي اللي هتعلّمني أعيش من جديد.

 

عدّت أيام، وخدت أولادي ورحت عند أهلي.

ولا سأل، لا على بنت ولا ولد، كأننا تراب.

كنت بصحى كل يوم على صوت بنتي وهي بتعيط، بتدور على حضن أبوها، وأنا مش قادرة أشرح لها ليه هو مش هنا.

 

وفجأة، في يوم، الجرس رن…

لتكملة اضغط على الرقم ٣ 👇👇

الصفحة السابقة 1 2 3 4 5الصفحة التالية