أنا كنت مرمية في المستشفى،

محمد، طلقني!
اتصدموا، هو اتجمد مكانه، بس أنا كنت قررت.
مش هينفع أعيش ولادي في بيئة زي دي، يطلعوا قاسين، يكرهوا البنات، ويكملوا نفس السلسلة.
أنا هكسرها، وهبدأ من جديد… ببنتي، وبولادي، وبنفسي.
وبعدها إصراريت على الطلاق، وأخيرًا نطقها.
أنا وقفت في نص البيت، خدت نفس عميق، حسيت إن روحي بتتنفّس لأول مرة.
بصيت لأولادي، يدوب أكرم ولين بدوا يهمسوا بأول حرف:
ماما…
دموعي نزلت، بس كانت دموع انتصار.
أنا بقيت أم، مش بس بالاسم… أم بتحمي، بتواجه، وبتخلق حياة جديدة من وسط الخراب.
رحمه كانت قاعدة جنبي، ساكتة، بس عينيها بتحكي ألف وجع.
بصيت لها، قلت بهدوء:
هترجعي؟
هزّت راسها بالنفي، وقالت بصوت مكسور بس حاسم:
أنا خلاص… مش منهم. أنا كنت بنتهم، بس هم اللي خسروني. لما كنت محتاجة حضن، رموني. لما كنت بصرخ، سكتوني. لما كنت ببني نفسي، حاولوا يهدموني. أنا مش هرجع لناس شايفينني عار، مش روح.
كلامها كان زي صفعة على وشهم، بس هم ما ردوش.
كانوا واقفين، متجمدين، كأنهم لأول مرة بيشوفوا بنتهم، بس بعد فوات الأوان.
أمها حاولت تمد إيدها، بس رحمه رجعت خطوة لورا، وقالت:
إيدي دي كانت بتستنى حضن، مش ضربة. دلوقتي خلاص… أنا بقيت ليّ حضن بيحبني، بيحميني، وبيفهمني.
أنا بصيت لهم، وقلت:
حتى بنتكم خسرتموها. مش بس بالبعد، لكن بالوجع اللي زرعتوه فيها، بالحب اللي ماعرفتوش تدهولها، بالثقة اللي كسرتوها. اللي بيخسر بنت زي دي، بيخسر نفسه للأبد.
خرجوا من البيت، بس المرة دي كانوا أضعف من أي وقت.
مش بس لأنهم خسروا بنتهم… لكن لأنهم فهموا إنهم ماكانوش أهلها من الأساس.
كانوا مجرد ناس جم في حياتها، وراحوا، وسابوا جرح مش هيتنسي.
أنا قفلت الباب، وبصيت لرحمه، ولأكرم، ولين.
ضحكت، بس كانت ضحكة فيها وجع، وفيها قوة.
قلت:
من هنا نبدأ… من هنا نعيش، من غير خوف، من غير قهر، من غير حد يقولنا إحنا مين.
رحمه بصت لي، وقالت:
أنا أول مرة أحس إني بنت حد… مش عبء حد.
حضنتها، وقلت:
أنتِ بنتي، حتى لو مش من دمي… بس من قلبي.
وفي اللحظة دي، حسيت إن البيت اتملّى نور.
مش نور كهربا… نور أمان، نور حب، نور بداية جديدة.
وهم… اللي كانوا واقفين برا، كانوا بيغرقوا في ظلمة هم صنعوها بإيديهم.
وحشتوني ياسكاكر
يارب الاسكربت يعجبكم وتسيبوا اثركم الطيب عليه لإن بيشجعني.


