فتاة من الجـ,,ـحيم للكاتب/ أحمد محمود شرقاوي

اتوترت بصراحة شوية عشان يعرض عليا صاحبي إنه يجي معايا ويوريني الطريقة الصحيحة لخطف الأنثى، أو بمعنى أصح خطف العاهــ,,ـــــرات..
سيبته بعد ما اتفقنا إننا هنتقابل على الساعة تسعة بالليل في مكان معين، روحت الشقة بتاعتي واللي عايش فيها لوحدي على تلاتة العصر كدا، دخلت الشقة لقيت حاجة مريبة، مريبة لأبعد مدى..
كل حاجة في الشقة متبهدلة، الهدوم مرمية على الأرض والكراسي مقلوبة وحتى مراتب السرير كان واقعة من على السرير، وكأن كان فيه عشرين واحد بيفتشوا في الشقة عن حاجة، يا نهار مش فايت، جريت بسرعة على الدولاب مكان الفلوس بس الحمد لله لقيتها، آمال اللي دخل يقلب في شقتي ده كان بيدور على أيه..
ركزت مع الحاجات المهمة ملقتش حاجة ناقصة، فضلت أكتر من ساعة بحاول استوعب اللي حصل ده، في النهاية بدأت ارتب الشقة وأنا دماغي مشتعلة من كتر التفكير..
رتبت الشقة بعد ما بذلت مجهود كبير، وده لأن الشقة حرفيًا كانت زريبة، نزلت بسرعة جبت كالون جديد للباب وغيرت القديم، قفلت كل الشبابيك وكمان ركبت ترباس جديد للباب من جوة..
بعد ما انتهيت قعدت على السرير، ومع المجهود اللي عملته وقعت من طولي من الإرهاق، نمت وكأني منمتش قبل كدا، كنت في الحلم كأني قريب أوي من أنثى، كأني حاسس بالدفئ العجيب ده، وده خلاني أنام بعمق أكتر وأكتر..
فقت من نومي على رنة الموبايل، كان صاحبي، بصيت في الساعة لقيتها تمانية، فكرت قبل ما أرد، هنزل؟؟
أفرض الحرامية رجعوا تاني؟؟
ما أنا نايم في الدفى أهو، هنزل بقا ليه؟؟
مش يمكن اللي حصل في الشقة تحذير من ربنا عشان منزلش ؟؟
وافتكرت شعور الدفئ اللي كنت فيه من شوية، تخيلت لو بقا حقيقي، حقيقي بمعنى الكلمة، وفصل التليفون، وحمدت ربنا، مش هنزل خلا..
التلفون رن من تاني، رديت بتردد كبير عشان أسمع صوت صاحبي بيقول:
– القطة رجعت في كلامها ولا أيه؟؟
لتكملة اضغط على الرقم ٣ 👇👇


