فتاة من الجـ,,ـحيم للكاتب/ أحمد محمود شرقاوي

– لا طبعًا بس بس..
– بس ومبسش، شكلي هفضحك بكرة قدام الشلة..
اتصدمت من الرد وجاوبته فورًا:
– انجز بقا عشان ألحق أقابلك..
خوفت، خوفت من استهزائهم بيا أكتر من خوفي من ربنا، ونزلت، نزلت واستنيت صاحبي بالعربية في الموعد..
شوية وجه ركب جمبي وقالي بينا على شارع جامعة المدن بسرعة..
وطلعت بالعربية، وأحنا في السكة طلب صاحبي اني اقف عشان هينزل يجيب سجاير من أي كشك، وقفت بالعربية على جمب واستنيته، نزل يجيب السجاير وأنا فضلت أراقب الشارع والناس والعربيات من الشباك..
لحظة واتفاجئت بواحدة بتخبطلي على العربية، جت أمتا دي؟!
كانت لابسة فستان شبيه بفستان العرايس، كانت جميلة جدًا، عينيها واسعة متكحلة بالأسود، شعرها أسود بلون الليل نازل زي الشلال من نعومته، حتى بشرتها كانت بيضا مشربة بالحمرة، كانت زي القمر، ويمكن أجمل من القمر..
– اؤمري..
– هتدفع كام؟؟
مستحيل، مستحيل تكون دي من بنات الليل اللي بيقفوا في الشارع، استغربت أوي ورديت:
– أنتي بتتكلمي بجد؟!
– مش أنت واقف هنا عشان كدا..
– لا أنا لسة هروح أ،، أيوة أيوة تعالي بس ومش هنختلف..
ركبت فورًا العربية وطلبت مني أطلع، قولتلها إني مستني صاحبي عشان تفتح الباب وتحاول تنزل، ولما استفسرت عن السبب قالتلي إني لو مطلعتش دلوقتي هتنزل، طبعًا يولع صاحبي قدام القمر ده، وعلى رأي المثل “قعدة الراجل بميت ست، بس لو جت الست يمشي الراجل”..
وطلعت بالعربية زي الصاروخ متجه للشقة بتاعتي، في اللحظة دي صاحبي رن عليا قومت مكنسل عليه وعملت الفون صامت، وصلنا العمارة بتاعتي واللي في مكان هادئ تمامًا، نزلنا وطلعنا في الأسانسير لحد الشقة، كنت طاير من الفرحة، البنت يقال عليها أنثى بكل ما تحمل الكلمة من معنى..
لتكملة اضغط على الرقم ٤ 👇👇


