فتاة من الجـ,,ـحيم للكاتب/ أحمد محمود شرقاوي

دخلنا الشقة ودخلت هي أوضة النوم وأنا روحت عشان أخد دش على السريع كدا، طبعًا قفلت الباب من جوة بالمفتاح عشان لو طلعت حرامية ولا حاجة، أيوة ما أنا لازم أبقا ذكي، دخلت الحمام خدت الدش فورًا، وخرجت، خرجت عشان ألاقي موبايلي على الكرسي عمال ينور ويطفي، بصيت فيه كان صاحبي هو اللي بيرن..
كنت هسيب الموبايل عشان ألاقي رسالة منه بتقولي يابني رد عليا، قررت أرد عليه عشان اتمنظر عليه وأحكيله على البنت اللي وقعت تحت ايدي، أول ما فتحت الموبايل سمعت كمية شتايم زي الفل، وازاي اسيبه وأمشي بالطريقة دي..
رديت عليه وقولت:
– يا بني أنا معايا واحدة دلوقتي..
– أنت متخلف يابني، جبتها منين دي؟!
– من نفس المكان اللي وقفنا فيه، لما أنت نزلت تجيب السجاير..
– أنت بتكذب كمان..
– والله ما بكذب..
– بتحلف بالله، يابني أنا جبت السجاير وجيت أركب لقيتك طلعت بالعربية، ومكنش معاك أي حد إطلاقًا..
– أنت كمان مبتشوفش؟!
– يابني أنا كنت بفتح الباب لما أنت طلعت، وكنت لوحدك في العربية..
اتوترت جدًا من كلامه، قربت من الأوضة لقيتها ممددة على السرير بشكلها المثير، اتكلمت معاه بتعجب وقولت:
– أمال مين اللي نايمة قدامي دي..
في اللحظة دي فتحت عينيها وقامت، قامت عشان أشوف عينيها اتحولت لعين شبيهة بأعين الثعابين، عينيها كانت مشقوقة بالطول، وشها بدأ يتلون بكل الألوان، أحمر، أبيض، أصفر، أزرق، أخضر..
وطفى نور الشقة كلها، طفى عشان جسمي كله يتخشب مكانه وأهمس بكل رعب الدنيا لصاحبي، ألحقني، ألحقني يا عمرو، ووقع التلفون من إيدي من الرعب، في اللحظة دي، حسيت بجسمها بيلف حوليا، كنت بحس بلمساتها، بالحرارة اللي طالعة من جسمها، كل ده وأنا مشلول، قلبي بيتنفض وشعري كله واقف والعرق بدأ ينزل مني من الرعب..
وهنا سمعت همساتها جوة وداني..
عاوز تنام مع بنت يا حسن؟!
لتكملة اضغط على الرقم ٥👇👇


