جدتي الله يرحمها في فترة مرضها كانت مُقيمة عندنا في البيت علشان والدتي ترعاها لأن هي بنتها الوحيدة

كانت في الاوضة وعمالة تصرخ بطريقة هستيرية ، دخلنا كلنا نشوف ايه اللي بيحصل لقيناها بتقولنا أن جدتي دخلت الدولاب ومش عاوزة تطلع ، وبتطلب مننا نلحقها لأن كده نَفسها هيتكتم وهتموت جواه
حاولنا نهديها بكل الطرق لكن كانت مصممة أن جدتي في الدولاب وهتموت جواه ، وفي اليوم ده قررنا نعرضها على دكتور نفسي
قولت فرصة انا كمان حالتي النفسية الفترة ديه مش احسن حاجة ومحتاج اتعرض على دكتور نفسي يفهمني ايه الحالة اللي بمر بيها ديه، بقيت احب العُزلة ، مش بتكلم مع حد خالص ، لدرجة أن اهلي في البيت لما شافوني كده بطلوا يكلموني
بس حتى أني اروح للدكتور مش قادر اعملها ، حاسس اني معنديش طاقة حتى اخرج من البيت ، بس الأول نطمن على أمي وبعدين اشوف حالتي
بدأت والدتي في العلاج النفسي اللي استمر اكتر من جلسة لكن الموضوع ماكنش جايب اي نتيجة ، انا بشوفها كل يوم حالتها بتزيد سوء
لحد ما في يوم سمعت ابويا بيكلم عمتي في البلد بيوصفلها حالة أمي والتصرفات اللي بتعملها وان العلاج مش جايب معاها نتيجة
فا سمعت ابويا بيزعق وبيقولها : اعوذ بالله ، انا اروح لدجال على اخر الزمن ، مستحيل اعمل كده ، اعوذ بالله
بعد ما قفل معاها ، سمعته وهو بيكلم اختي الكبيرة وبيحكيلها
لتكملة اضغط على الرقم ٤👇👇


