جدتي الله يرحمها في فترة مرضها كانت مُقيمة عندنا في البيت علشان والدتي ترعاها لأن هي بنتها الوحيدة

” قال ايه يابنتبي، عمتك كلمت الراجل الدجال اللي اسمه مبروك اللي في البلد وبيقولها علشان أمك تفوق من الحالة اللي فيها ديه ، لازم نفتح القبر بتاع جدتك واحنا معانا هدوم من بتاعتها وهدوم من بتاعت اخوكي ، نحطهم في القبر ونقفله تاني ، وساعتها هترجع طبيعية ، اعوذ بالله على اخر الزمن اسمع كلام دجال”

 

ده الكلام اللي قاله ابويا لأختي ، بس اللي استغربته وانا بسمع كلامه أنه بيقولها هدوم من بتاعت اخوكي ، ده قصده عليا ، انا ماليش غير اتنين اخوات بنات وانا الأخ الوحيد

 

استغربت وماكنتش فاهم ، طيب الدجال ده عاوزنا نحط هدومي في القبر ليه؟ .. انا مالي بالموضوع!

 

عدت الأيام وحالة أمي بتسوء ، مفيش تحسن ، كانت صعبانة عليا ومش في إيدي أي حاجة اعملها 

 

لسه بتدخل اوضتي ، تقعد على السرير تتكلم مع جدتي ، وتحضر الفطار كل يوم الصبح وتحطه على السرير وبعد شوية تاخد الاطباق تغسلها ، زي ما كانت بتعمل معاها بالظبط وهي عايشة وزي ما كانت بتعمل معايا قبلها 

 

كان نفسي امي ترجع لطبيعتها ، مابقتش عارف اتكلم معاها ، حتي هي بقت تتجاهلني بردو ، بس انا مقدر اللي هي فيه

 

لحد ما جيه في بالي يوم فكرة ، قولت لنفسي طب ليه ما اسمعش الكلام اللي قالته عمتي لأبويا ، اعمل اللي الشيخ مبروك قالها عليه ، هو انا هخسر ايه يعني لو عملت كده

 

بالفعل خططت في نفس اليوم ، لما يدخل الليل هروح انبش القبر من غير ما حد يحس بيا ، هحط قطعة من هدومي وقطعة من هدوم جدتي ، لعل وعسي ده يجيب نتيجة 

 

وجرت الأمور زي ما خطت ليها ، استنيت اهلى كلهم يناموا ، فتحت الدولاب ، خدت منه جزء من هدومها وجزء من هدومي

 

روحت على المقابر ، الجو كان ضلمة ،مفيش مخلوق ، مفيش اي صوت في المكان غير صوت نباح الكلاب

 

انا مش فاكر اوي هو القبر بتاعها فين ، فضلت ادور عليه وسط المقابر لحد ما لمحته ، كان قبرها مميز لأني فاكر أن كان عليه يافطة خالي عملها عملها يومها كاتب عليه إسمها

 

لمحت اليافطة من بعيد وروحت ناحيتها ، بس لما بدأت أقرب لقيت حد قاعد قدام القبر ، استغربت قوي ، مين ده وقاعد هنا ليه

لتكملة اضغط على الرقم ٥👇👇

الصفحة السابقة 1 2 3 4 5الصفحة التالية