عمرى ما شكيت في خالتي للحظة الست اللي ربتني بعد وفاة أمي

رديت وإيدي بتترعش جالي صوتها بس مكنش صوتها اللي أعرفه كان صوت طفلة صغيرة بتضحك ضحكة باردة وتقول وحشتيني يا أماني.. شعرك اللي قصيتيه ده كان العهد اللي بينا والنهاردة العهد اكتمل.

فتحت الصندوق اللي خدته معايا وأنا بهرب وطلعت الورقة اللي كانت مستخبية ورا صورة أمي.. الورقة مكنتش وصية دي كانت مقايضة.

أمي مكنتش ضحية أمي كانت هي اللي بدأت اللعبة.. الورقة كان مكتوب فيها بنتي قصاد بنتها.. الأرض مابتشبعش دم واللي يزرع الوجع يحصده في ضناه.

عرفت دلوقتي ليه خالتي كانت بتموتني بالبطيء.. هي مكنتش عايزة الميراث هي كانت بتنفذ القصاص. هي كانت بترجع حق بنتها اللي أمي ضحت بيها عشان الأرض والمال.

وفجأة الباب خبط.. خبطات هادية ومنتظمة.

بصيت من العين السحرية ملقتش حد.. بس لقيت خصلة شعر طويلة ومبلولة بالزيت المر بتاع خالتي مرمية قدام الباب.

فتحت الباب ببطء لقيت خالتي واقفة بس مكنتش ماسكة مقص.. كانت ماسكة مراية تانية ووجها كله متغطي بالشاش.

قالتلي بصوت مكسور بصي في المراية دي يا أماني.. وشوفي الحقيقة اللي

أمك دفنتها تحت الأرض.

بصيت.. وشفت أمي وهي قاعدة في نفس البدروم اللي كنت بخاف منه وكانت ماسكة بنت صغيرة بتشبهني بالظبط وبتحط لها نفس الزيت في شعرها وهي بتهمس انتقلي ليكي.. خلي أماني تعيش وأنت اللي تموتي.

في اللحظة دي الصورة في المراية اتكسرت وحسيت بوجع رهيب في راسي.. وشعري الأبيض بدأ يقع خصلة ورا خصلة وظهرت تحته الحقيقة البشعة.

أنا مكنتش أماني.. أنا كنت البنت التانية اللي المفروض ماتت من سنين وأماني الحقيقية هي اللي كانت مسجونة جوه شعري جوه الزيت جوه القهرة اللي عيشتها طول عمري.

خالتي قربت مني ولمست وشي بحنية مرعبة وقالت دلوقتي بس.. الأرض هترجع لأصحابها.

وقفت خالتي قدامي وشالت الشاش من على وشها.. الصدمة مكنتش في الحروق اللي في وشها الصدمة كانت إن ملامحها بقت نسخة طبق الأصل من ملامح أمي قبل ما تموت.

قالتلي بصوت فيه بحة القبر أنا مكنتش خالتك يا أماني.. أنا أمك اللي ضحت بيكي واللي ماتت واندفنت تحت الأرض كانت هي خالتك الغلبانة اللي حاولت تنقذك مني.

الدنيا دارت بيا.. يعني السنين اللي فاتت دي كلها كنت عايشة مع القاتلة وبقولها يا خالتي والست اللي كانت بتحاول تحذرني في الصور والمذكرات كانت هي الخالة اللي لبست تهمة السحر والموت

لتكملة اضغط على الرقم ٥ 👇👇

الصفحة السابقة 1 2 3 4 5 6 7 8 9الصفحة التالية