عمرى ما شكيت في خالتي للحظة الست اللي ربتني بعد وفاة أمي

أمي اللي كنت فاكراها خالتي قربت من الصندوق وطلعت منه قماشة قديمة فيها ريحة تراب وفتحتها.. كان فيها عضم صغير عضم طفلة.

قالت ببرود مرعب أماني الحقيقية مدفونة هنا.. تحت بلاط الأوضة دي. أنت مجرد روح لمتها من السكك وحطيتها في جسم بنتي عشان متموتش بس الأرض مابتقبلش الأرواح المستلفة.. وعشان تعيشي بجد لازم حد من دمك يروح مكانك.

بصيت ل أمي بذهول وفهمت دلوقتي ليه كانت دايما بتبعدني عن الناس وليه كانت بتقص شعري.. هي كانت بتقص عمري وتديه للبنت اللي تحت البلاط.

فجأة البلاط اللي في نص الأوضة بدأ يتحرك.. وصوت خربشة جاية من تحت.

الخوف شل حركتي وشفت إيد صغيرة بتطلع من بين الشقوق.. إيد بيضا زي التلج وضوافرها طويلة ومغطاة بالزيت.

أمي ضحكت ضحكة هستيرية وقالت وصلت.. أماني رجعت تاخد مكانها!

الإيد مسكت في رجلي وحسيت ببرودة الموت بتسحبني لتحت. بصيت لأمي لقيتها بتتحول لتراب قدام عيني وكأن طاقتها خلصت بمجرد ما البديلة وصلت.

وفي آخر لحظة قبل ما الأرض تبلعني افتكرت كلمة أمي في الوصية لو مت أوعي تخليها تلمس شعرك.

مديت إيدي وجبت المقص اللي كان واقع على الأرض وبدل ما أقص شعري غرزته في الإيد اللي طالعة من تحت الأرض.

سمعت صرخة وجع هزت البيت كله والنور رجع فجأة.. وبصيت ملقيتش حد.

لا أمي ولا الإيد ولا حتى الصندوق.

لقيت نفسي واقفة في نص أوضة فاضية في بيت مهجور بقاله سنين وشعري الأبيض مالي الأرض حواليا.

بصيت في المراية المكسورة اللي على الحيطة.. وشفت وشي رجع لطبيعته بس كان فيه ندبة صغيرة على شكل إيد طفلة محفورة على رقبتي.

عرفت إن الكابوس مخلصش.. هو بس استخبى تحت الجلد.

خرجت من البيت وأنا بجري ومشيت في الشارع وسط الناس والكل كان بيبص لي باستغراب.. مكنتش فاهمة ليه لحد ما عديت قدام واجهة محل وقفت اتجمدت.

لتكملة اضغط على الرقم ٦👇👇

الصفحة السابقة 1 2 3 4 5 6 7 8 9الصفحة التالية