عمرى ما شكيت في خالتي للحظة الست اللي ربتني بعد وفاة أمي

أدركت في لحظة الغرق إن أرجون مكنش أخويا.. أرجون كان الحارس اللي أمي عينته عشان يضمن إن العملية تتم صح.

المراية اتكسرت ميت حتة..

فتحت عيني لقيت نفسي واقفة في نص الأوضة والضلمة مالية المكان.

بصيت لإيدي.. كانت ظل.

وبصيت على الكرسي.. لقيت أماني البديلة قاعدة وبتبص لي بشفقة وتقول دلوقتي بس بقيتي حرة يا أماني.. حرة من جسمك وحرة من اسمك وحرة من الميراث المسموم.

خرجت من الأوضة وهي سايباني خيال ملوش ملامح وسمعت صوتها وهي بتضحك مع أرجون في الصالة وبتقول يلا بينا الأرض مستنية اللي يزرعها من جديد.

أنا دلوقتي الظل اللي بيمشي وراهم المستنية اللحظة اللي حد فيها يبص في المراية.. عشان أقدر أرجع ولو لثانية واحدة أقول للعالم إن أماني الحقيقية اندفنت مع الحقيقة.

النهاية دي هي صدمة الحكاية.. الميراث مكنش أرض الميراث كان لعنة بتتنقل من جيل لجيل.

أنا دلوقتي مجرد خيال.. طيف واقف في ركن الأوضة شايفها وهي بتلم حاجتي في الشنط وشايفة أرجون وهو بيساعدها ببرود وكأن شيئا لم يكن.

أرجون بص لمكاني أو للمكان اللي كان فيه ظلي وابتسم ابتسامة باهتة وقال متخافيش يا أماني.. الروح اللي بتطلع من المراية مابتأذيش هي بس بتفضل تراقب لحد ما تدوب في الضلمة.

البديلة ضحكت وهي بتلبس خاتم أمي اللي كان دايما بيضايق صباعي وقالت هي مش هتدوب يا أرجون.. هي هتفضل شاهدة على اللي هنعمله في الأرض اللي أمنا ماتت عشانها.

خرجوا من البيت وقفلو الباب وراهم بالمفتاح.. وسابوني في البيت المهجور في السجن اللي كنت فاكراه أمان.

قعدت أيوم شهور مش عارفة الوقت بيعدي إزاي.. لحد ما في ليلة سمعت صوت خبط على الباب. مكنش أرجون ولا البديلة.. كان صوت حد غريب حد بينادي باسمي بلهفة أماني أنت هنا أنا عرفت كل حاجة.. افتحي يا أماني!

الخبط زاد والباب اتكسر.. دخل ياسين الشخص الوحيد اللي كنت بحبه واللى أرجون كان دايما بيبعدني عنه ويقولي إنه طمعان فيكي.

ياسين دخل ومعاه بخور وريحة طيبة قلبت كيان البيت وبدأ يقرأ كلام هادي كلام حسيت إنه بيسحب البرودة من جسمي الخيالي.

وقف قدام المراية المكسورة وبدأ يجمع الحتت بتاعتها وهو بيقول أنا عارف إنك محبوسة يا أماني.. وعارف إن اللي بره دي مش أنت.. اللي سكنت جسمك خدت الملامح بس لكن سابت الوجع وراها.

ياسين جرح إيده وسال دمه على إزاز المراية المكسور وفجأة حسيت بكهرباء بتسري في روحي.. المراية بدأت تلمع بنور أبيض والقطع المكسورة بدأت تنجذب لبعضها كأنها مغناطيس.

وفي لحظة لقيت نفسي بتسحب من الضلمة للنور..

فتحت عيني لقيت نفسي واقعة في حضن ياسين وجسمي رجع له تقله ونفسي رجع يعلى ويهبط.

بصيت في إيدي ملقتش الندبة.. لقيت جرح حقيقي جرح من إزاز المراية.

ياسين بص لي بدموع وقالي لازم نمشي من هنا حالا.. أرجون والبديلة عرفوا إنك رجعتي وهما دلوقتي في الطريق.

قمنا نجري بس قبل ما نخرج بصيت ورايا للمرة الأخيرة.. شفت البديلة واقفة على أول الطريق وشها كان ممسوح ملوش ملامح وكأنها فقدت هويتها بمجرد ما أنا رجعت لجسمي.

أرجون كان واقف جنبها وماسك في إيده المقص.. بس المرة دي المقص كان مكسور نصين.

ركبت مع ياسين العربية وإحنا بنبعد عن البيت شفت البيت القديم وهو بيتحرق.. النار كانت بتاكل كل الميراث المسموم وبتاكل معاه ذكريات

 

أمي وأرجون والزيت المر.

أنا دلوقتي حرة.. بس الحكاية لسه مخلصتش.

لأن وأنا في العربية لمحت في مراية الصالون حاجة خلت قلبي يقع..

ياسين مكنش له ظل على الكرسي اللي جنبي.

لتكملة اضغط على الرقم ٩👇👇

الصفحة السابقة 1 2 3 4 5 6 7 8 9الصفحة التالية