“بكرا عندي حصة عملي في المشرحة اللي فيها الفنانة المشهورة داليا شاهين”.

رد وقالي “للأسف دي أخر نسخة وطلعت، والكتاب ده نادرًا لو لقيته في السوق لأن أتوقفت طباعته من بدري”.
خلصت مع مريم اللي كانت مشغولة بين ارفف المكتبة وبتدور على قصص أطفال لأن دي الحاجة اللي بتقدر تخليها تفصل من حياة الكبار وتهرب بيها.
ورجعت البيت وأنا مهموم وحاسس إني لوحدي وغرقان في هموم أكبر مني والنحس مازال ملازمني في كل شيء.
دخلت اوضتي اترميت على سريري من كتر التعب ومجرد ما غمضت عيني ابتديت اسمع صوت همس بسيط بيقولي “مريم ضحية طنجار الجديدة”.
قومت مفزوع بتلفت حواليا ومش قادر احدد ده همس فعلاً ولا دماغي اللي بدأت تهلوس من اللي جرالي؟.
شباك الاوضة اتفتح فجأة بقوة ودخلت منه عاصفة هوا غريبة رغم أننا في سبتمبر ومدخلناش في الشتا اللي تجيب عواصف زي دي.
قومت بصعوبة قفلت الشباك وانا حاسس ان الليلة دي مش هتعدي على خير، وبالفعل معدتش.
حاجة بتنكش تحت السرير.
مجرد ما قفلت الشباك سمعت حاجة بتتحرك تحت سريري، صوت زي الورق اللي بيطير بسرعة.
خدت حذري بمسافة ونزلت على الأرض بجسمي وفتحت الكشاف سلطته تحت السرير.
ولقيته.
كانت صدمة أبشع وابشع لما مديت أيدي وخرجت كتاب “حلم طنجار” اللي أنا مشتريتوش أصلا… لكنه.
لكنه جالي لحد البيت عندي!
خلاص أنا اتاكدت بالشكل ده أن لعنة “داليا شاهين” والمسوخ اللي شوفتهم في القرية مش مجرد تخاريف ولا حظ سئ لأ.
في حاجة ضروري اكتشفها في الكتاب ده، ويمكن الحاجة دي ليا دور فيها.
خدت الكتاب وقعدت على سريري وفتحت النور وابتديت اقرأ فيه، ورغم أنه عبارة عن ٢٠٢ صفحة إلا إني محستش بالوقت ولا بنفسي إلا لما خلصته.
وللأسف فهمت يعني إيه “طنجار”.
ملخص الكتاب بيحكي فيه الكاتب عن حلم طويل سقط فيه وعاش في قرية مسوخ زي اللي شوفتها بالظبط.
لكنه وقع فيها قبل ما يتحولوا لمسوخ، وسبب تحويلهم كلهم لمسوخ هو
لتكملة اضغط على الرقم ٧👇👇


