جدتي الله يرحمها في فترة مرضها كانت مُقيمة عندنا في البيت علشان والدتي ترعاها لأن هي بنتها الوحيدة

جدتي الله يرحمها في فترة مرضها كانت مُقيمة عندنا في البيت علشان والدتي ترعاها لأن هي بنتها الوحيدة و أقرب حد ليها في ولادها كلهم

 

في الفترة ديه انا سيبلتها اوضتي تنام فيها وكنت بنام انا بره في الصالة ، وكذلك الدولاب ده ، شيلت منه كل هدومي علشان تحط هي هدومها فيه

 

فضلت الحياة مستقرة لكن للأسف حالة جدتي كانت بتسوء كل يوم عن اللي قبله لحد ما توفاها الله

 

في الوقت ده والدتي كانت مصدومة صدمة كبيرة ، لأنها كانت متعلقة بـ أمها جدًا لدرجة أن هي كانت بتتعامل كأنها لسه عايشة

 

يعني مثلاً كانت تصحي من النوم تجهزلها الفطار زي كل يوم وتدخله الأوضة ، تكون قاعدة معانا وفجأة تقول هقوم اشوف ماما لو محتاجة حاجة 

 

لدرجة أن هي كانت أحيانا تدخل الاوضة تقعد على طرف السرير وتفضل تتكلم معاها كأنها نايمة على السرير زي ما كانت بتعمل معاها كل يوم

 

الوضع كان صعب علينا جدًا انا و أبويا واخواتي واحنا شايفين أمي رافضة تقتنع أن والدتها خلاص ماتت 

 

لدرجة أنها فضلت شهر كامل على هذا والوضع مافيش اي تغيير في حالتها ، في الوقت ده بدأت ابحث على النت علشان افهم تفسيبر اللي بيحصل ده
لتكملة اضغط على الرقم ٢👇👇

1 2 3 4 5الصفحة التالية