انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات

كل ده مع تجنب النظر ليا وعينيها بقت ترمش بسرعة اكتر من الطبيعي ، واللي حصل ده رد فعل لا ارادي من الجسم وهو بيبدأ يتذكر او شايف مشهد جواه ، مش شايف اي حاجة حواليه
كلبشت ايديها الاتنين في بعض بنوع من القوة ورجعت رَختّهم تاني اكتر من مرة ، وديه محاولة لا واعية منها علشان تهدي الجهاز العصبي
فضلت ساكته لثواني وهي بتتنفس بطريقة متقطعة وبتبلع ريقها بسرعة وبعدين خدت زفير طويل قبل ما تنطق اول كلمة، كل ديه كانت بنسبالي مؤشرات واضحة في لغة الجسد،
المؤشرات ديه لا إرادية ورد فعل من الجسم قبل ما يتذكر او يتكلم في موقف مؤثر او مرعب بنسباله ،
وزي ما توقعت ،
بدأت كلامها بنبرة مترددة وصوت محشرج متقطع ،
وقالت:
انا كنت فاكرة إن اللي بشوفه تهيؤات لحد اللي حصل ،
عندي بنت اسمها “كارما” عمرها ١١ سنة،
كارما كانت متعلقة جدا بـ باباها،
ورغم التعلق ده إلا ان بعد وفاته ما شوفتش منها الحزن اللي كنت متوقعاه ،
البنت تكاد تكون الموضوع مش فارق معاها ،
ورغم استغرابي إلا اني كنت مبسوطة بـ ده ،
لأن كان هيبقي اصعب عليا أن اشوف بنتي الوحيدة بتتألم علشان فراق ابوها ،
لحد اللي حصل في ليلة من الليالي ،
قلقت من النوم بسبب العطش وقومت من السرير ،
بس اتفزعت لأني مالقتش كارما جنبي،
قومت مخضوضة اشوفها ،بس قبل ما افتح باب الأوضة سمعت صوتها في الصالة،
كانت عمالة تتكلم وتضحك كأنها بتلعب مع حد،
استغربت وفتحت الباب بسرعة،
شوفت كارما قاعدة على الأرض بنفس الطريقة اللي كانت بتقعد بيها في وسط الصالة وهي فاردة الألعاب بتاعتها لما كان باباها بيلعب معاها،
لتكملة اضغط على الرقم ٣ 👇👇


