انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات

باصص في اللاشيء والمريض بيتكلم معايا
لحد ما فجأة تنحت ، بلعت ريقي وعيوني وسعت على اخرها ،
قومت وقفت مكاني وجسمي بيترعش وانا متنح في ركن من الأركان
كان قاعد وحاطت رجل على رجل،
حازم ، قاعد بيبصلي ، ، وشه مشوه وجلده سايح
عينيه مقفولين بس موجههم ناحيتي
– يا دكتور ، يا دكتور مالك ، انت بتعمل كده ليه
قالها المريض وانا مش سامع حاجة ،
كنت على وشك اني اصرخ،
قام جري عليا وهو بيحاول يفوقني
– يا دكتور ، يا دكتور سعد مالك ، انت بتعمل كده ليه حد يلحقنا
سمع صوته موظف الاستقبال ودخل جري فتح الباب،
لكن اول ما دخل حازم اختفي،
اترميت على الكرسي وانا متنح مش بنطق من الصدمة العصبية،
جابولي ميه وحاولوا يفوقوني ،
كانوا عاوزين يودوني المستشفي بس انا قولتلهم اني كويس
شوية ارهاق من الشغل مأثر عليا،
روحت البيت وانا لسه مش مستوعب اللي بيحصل ،
انا متأكد اني شوفته ، بس لا لا، ديه تيهؤات ، انا تعبان،
بدأت ابحث لو فيه ابحاث علمية بتفسر الحالة اللي انا فيها،
ليه حالة مريض ممكن تأثر عليا بالطريقة ديه،
فضلت طول الليل ادور لكن مالقتش بحثي علمي واحد ممكن يفسر حالتي،
لحد ما نمت من التعب ، وكالعادة زي كل يوم،
حلمت نفس الحلم المرعب بكل تفاصيله
“انت السبب ، انت السبب”
بيجري ورايا ومش بيقول غيرها
في اليوم ده ادركت ان الموضوع مش مجرد حالة نفسية وهلاوس،
فيه سر في الموضوع،
مسكت التليفون واتصلت بـ خالد موظف الاستقبال
سألته عن الست اللي اسمها مدام شيماء
قولتله التاريخ واليوم اللي هي جت فيه،
لحسن الحظ كان مسجل اسمها ثلاثي ،
بس هي كانت حاجزة بالتليفون ،
ولسوء الحظ في اليوم اللي هي جت فيه هو استأذن انه هيجي متأخر شوية لأن عنده مشوار ضروري، فا بالتالي هو مشفهاش
هي فعلاً جت ودخلتلي اول واحدة قبل ما هو يجي،
خدت اسمها ورقمها وحاولت بطريقة ما اوصل لـ بياناتها،
كنت لازم اقابلها واتكلم معاها،
انا متأكد ان هي الوحيدة اللي هتقدر تفسرلي اللي بيحصل ،
الغريب في الموضوع أن اسمها مش غريب عليا ،
الإسم ده انا سمعته قبل كده ، حاولت افتكر فين بس ماقدرتش،
فضلت احاول لحد ما وصلت لعنوانها،
روحت للعنوان واللي كان شقة في واحدة من العماير،
طلعت العمارة و صلت قدام الشقة بس كان شكلها غريب اوي
الشقة متربة زي ما يكون مهجورة
الباب عليه آثار حريق،
فضلت اخبط اكتر من ربع ساعة لكن ماكنش حد بيرد،
من كتر التخبيط واحد من الجيران في الدور اللي فوقي نزلي،
لتكملة اضغط على الرقم ٧ 👇👇


