انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات

– انت بتخبط ليه كده يا استاذ ، الشقة ماحدش ساكن فيها
هنا جيه في بالي أنها جايز تكون غيرت عنوانها ،
اتأسفتله وقولتله اني بس جاي لمدام شيماء زوجة المرحوم استاذ خالد علشان محتاجها في حاجة ضرورية
– مدام شيماء الله يرحمها؟
قالي الكلمة ديه وانا قولتله الله يرحم مين؟ بقولك مدام شيماء مامت كارما
– كارما ؟ الله يرحمها
رديت عليه بـ استغراب وقولتله انت بتقول ايه؟
في اللحظة ديه شكيت اني جيت عنوان غلط،
وطلبت منه يقولي اسمها ثلاثي ،
قالي إسمها ومواصفتها بالظبط ، هي نفس الست اللي جتلي العيادة ، بس قالي ان الشقة ديه حصل فيها حريقة من ٧ سنين،
مات فيها الدكتور حازم***** ومراته مدام شيماء وبنتهم كارما،
انا صُعقت لما سمعت الكلام، الدكتور حازم ،قال اسمه ثلاثي
اسم مش غريب عليا ، سمعته قبل كده
حازم وشيماء ، الاسمين دول انا عارفهم،
بس مش عارف سمعتهم امتي وفين،
كنت واقف قدام الراجل بسمع منه وانا منهار ،
مش مصدق اللي ودني بتمسعه ،
عرفته بنفسي أني دكتور نفسي،
ومدام شيماء ديه كانت عندي في العيادة من كام يوم،
ازاي أنت بتقول ماتت محروقة ؟
الراجل رد عليا بـ استهزاء وقالي
يا دكتور انت كده محتاج تتعالج ، بقولك الأسرة كلها ماتت محروقة من ٧ سنين،
ده حتي الخبر كان نازل في كل الأخبار
سيبته ومشيت وانا في حالة ذهول،
ركبت عربيتي واتصلت بسرعة بخالد موظف الاستقبال ،
طبلت منه يراجع كاميرات العيادة حالا ،
اليوم والساعة اللي الست ديه جتلي فيهم ،
وبعد ساعة تقريبًا اتصل بيا خالد ،
– انت كويس يا دكتور ؟
قولتله ايه علاقة ده بـ اللي انا طلبته منك؟
– مش عارف يا دكتور بس انا حاسس انك مرهق زيادة عن اللزوم ، الست اللي بتكلم عليها ماجتش العيادة أصلا
قولتله نعم؟.. بتقول ايه!!،
بقولك جت وانا كشفت عليه،
– ماهو يا دكتور انا فاتح الفيديو قدامي اهوه، حضرتك قاعد بتكلم نفسك


