انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات

كارما بصت ليا وهي مخضوضة وبلعت ريقها وبعدين بصت قدامها ،

زي ما يكون فيه حد قاعد بيلعب معاها،

 

جريت عليها وسألتها ، قاعدة كده ليه دلوقتي وكنتي بتتكلمي مع مين،

البنت فضلت تتلجلج في الكلام وكان واضح عليها التوتر،

أنكرت ان هي كانت بتتكلم مع حد ،

بس انا متأكدة اني كنت سامعة كويس

 

حاولت اضغط عليها بكل الطرق تفهمني ليه كانت قاعدة كده ، بتتكلم مع مين ، لحد ما هددتها اني هزعل منها ومش هكلمها تاني،

 

وهنا قالتي اغرب حاجة ممكن اسمعها ،

قالتلي الكلام اللي اكدلي ان كل اللي كنت بشوفه ماكنش تهيؤات،

كارما قالتلي ان باباها من يوم وفاته وهو بيجي يلعب معاها كل يوم،

وصفته بنفس الشكل المشوه اللي كنت بشوفه انا بيه

 

قالها ماتقولش لأي حد انه بيجي يلعب معاها حتي انا،

وإلا مش هيجيلها تاني ابدا ، وفي النهاية سألتني سؤال،

هو بابا كده زعل مني يا ماما ومش هيجي يلعب معايا تاني علشان انا قولتلك؟

 

تفتكر يا دكتور لو ديه تهيؤات هاتحصل ليا انا وبنتي بنفس الطريقة؟

هي كمان بيتهيء ليها انها بتشوفه بنفس الشكل اللي انا بشوفه بيه؟

عرفت ليه انا قررت اجي اكشف بعد السنين ديه كلها ؟

 

الحقيقة انا سمعت الكلام ده وكنت في حالة ذهول ، بس قبل ما اشخص الحالة ، او اقولها اي حاجة ،

كتبتلها بعض الأدوية المهدئة وطلبت منها تمشي عليها اسبوع ،

وبعد اسبوع تجيلي تاني لكن معاها بنتها علشان اتكلم معاها بنفسي،

 

مشيت من عندي مدام شيماء ، والحقيقة من وقت ما خرجت من العيادة وانا الموضوع كان شاغل تفكيري بطريقة انا نفسي مش فاهمها،

بدأت احس بتوتر وعصبية بدون اي سبب ،

طاقة سلبية ملهاش تفسير، وتفكير في الحكاية ديه بشكل مستمر،

كل ده انا ماكنتش عارف سببه 

 

وعدي اسبوع على هذا الوضع وكنت مستغرب اني منتظر زيارة مدام شيماء وبنتها بفارغ الصبر ، ليه مش فاهم،

 

لحد ما جت ميعاد الاستشارة ولقيتها بعتت الرسالة ديه ،
لتكملة اضغط على الرقم ٤👇👇

الصفحة السابقة 1 2 3 4 5 6 7الصفحة التالية