انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات

“انا بعتذر مش هقدر احضر يا دكتور ومن فضلك اقفل الموضوع و انساه خلاص”

اول ما قرأتها جسمي اتلبش وقلبي اتقبض بشكل مش مفهوم

والأغرب من الرسالة هي أنها عملتلي بلوك على الواتساب،

ولحد هنا انا وانتوا فاكرين الحكاية انتهت ،

 

بس من اللحظة بدأت قصة طبيب الأموات ،

اللقب اللي انا اتشهرت بيه،

ايوة انا، طبيب الاموات اللي قصته انتشرت في الجرايد والإعلام 

واللي كان رافض يكشف هويته ،

بس انهارد بطل الحكاية جاي يحكي كل حاجة بنفسه.

بس خليني اقولك ان الضرورات تُبيح المحظورات ، انا اتأذيت نفسيًا ، وكل الصحف العالمية كتبت تفاصيل قصتي “طبيب الأموات” من غير ما حد يكشف هويتي زي منا طلبت ، يعني اصلا تفاصيل القصة معروفة

 

بس حسيت ان جيه الوقت اللي المفروض اكشف عن نَفَسي واتكلم عن الحكاية من منظور بطلها اللي عاش كل التفاصيل ، وعلشان كده حابب اقول اللي بيخا_ف او مش بيحب قصص الرعب بلاش يكمل باقي الأحداث 

 

في ميعاد الجلسة اللي ماكنتش عارف ليه مستْنيه بفارغ الصبر جاتلي الرسالة من مدام شيماء

 

“انا بعتذر يا دكتور ،مش هقدر احضر ومن فضلك اقفل الموضوع وانساه خلاص”

 

اول ما قرأت الرسالة جسمي اتلبش وقلبي اتقبض ، انا كـ دكتور ما قدرتش اعرف تفسير الاحساس ده ايه!

 

بس شغل بالي مضمون الرسالة نفسه لأنه مرعب وهقولك ليه ، 

لو افترضنا انها خلاص صّرفت نظر ، كانت ممكن تكتفي أن هي ماتجيش من غير ما تبعتلي رسالة،

لأن فيه ملحوظة مهمة اوي ،

 

هي عرفت منين ان الموضوع في دماغي وبفكر فيه؟

لأن كان واضح جداً من الرسالة انها عارفة أن الموضوع شاغل تفكيري

بدليل أن هي قالت “من فضلك اقفل الموضوع و انساه خلاص”

 

بس انا قررت اتجاهل ده كله ،

بس في نفس اليوم حلمت بـ كابوس مرعب،

لتكملة اضغط على الرقم ٥👇👇

الصفحة السابقة 1 2 3 4 5 6 7الصفحة التالية