انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات

انا كا طبيب نَفسي ممكن يعدي عليا اشكال و ألوان من المرضي واتعودت على ده وكنت بتعامل مع اغرب الحالات ،

 

لحد ما دخلت عليا في يوم واحدة ست اسمها مدام شيماء ، ارملة زوجها متوفي من حوالي ٧ سنين في حادثة مأسوية ،

 

الأستاذة شيماء كانت بتشتكي انها بتشوف جوزها المتوفي الأستاذ حازم في البيت ، بتشوفه قاعد على نفس كرسي المكتب اللي كان متعود يقعد عليه وهو بيخلص شغله

 

بس على حسب وصفها انها كانت بتشوفه مشوه وشه اشبه بالمحروق وعينيه الاتنين مقفولين كأن جلده سايح عليهم

 

هو الغريب مش في الحالة , لأن عدي عليا حالات زي ديه كتير بتكون هلوسات نتيجة صدمات نفسية بينتج عنها هلاوس سمعية وبصرية،

 

الغريب هو إصرار مدام شيماء أن ديه مش هلوسات ولا تهيؤات ، هي بتشوفه حقيقي ومقتنعة تماماً بـ ده ،

 

فا هنا سألتها سؤال منطقي ، بما ان حضرتك بتقولي ان جوزك توفي من ٧ سنين ، يعني الحاجات اللي بتحصل معاكي ديه بقالها فترة كبيرة ، ليه كنتِ ساكتة طول السنين اللي فاتت؟

 

وقبل ما أقولك هي قالت إيه ، خليني الاول اوصفلك لغة الجسد بتاعتها واللي كانت بنسبالى دلالة أنها ممكن تكون صادقة فـ اللي هاتحكيه

 

بلعت ريقها ، والكتفين انكمشوا شوية لجوا وهي بتقرب درعاتها الاتنين من بعض ومالت بجسمها شوية لقدام وعينيها وسعت وبان عليها التوتر ،

 
لتكملة اضغط على الرقم ٢👇👇

1 2 3 4 5 6 7الصفحة التالية