ريا وسكينة رجعوا من تاني

 
 
 

قعدت في الشارع وقولت اكيد مش هتكمل ساعة وتخرج من اي عمارة قصادي وخلاص. 

وانتظرت ساعة

اتنين 

أربعة

تليفونها اتقفل!

كريمة راحت فين؟

مش عارفة

بدأت اخاف واقلق 

وطلعت التلت عماير الـ كنت حيرانة بينهم، 

كلهم شقق عائلات مقفولة على اصحابهم 

مفيش شركات خالص

طب هي اختفت يعني!

قولت يمكن أنا الـ مضخمة الموضوع وكريمة نزلت روحت وانا مخدتش بالي منها!

وخدت بعضي ورجعت البيت في انتظار اي خبر يطمني عليها. 

الساعة عشرة بليل لقيت ام كريمة بتتصل عليا “يابنتي متعرفيش كريمة اتأخرت كده ليه؟”. 

خوفت ومعرفش ليه مقدرتش اواجهها أن بنتها كانت معايا واختفت!

يمكن خوفت يتشك فيا لأني أنا وكريمة صحاب من السوشيال يعني مش عشرة أوي وأهلها يادوب يعرفوا رقمي وبس. 

رديت قولتلها “معرفش يا طنط هي قالت رايحة مقابلة شغل امبارح، يمكن رجعت على حد من صحابها”. 

اتوترت

والخوف بياكل في قلبي

في مليون دليل هيظهر ويتقال إني اخر شخص كنت معاها 

دعيت جوايا ربنا يردها سالمة 

وبعد ساعة لقيت اتصال من صاحبة كريمة المقربة زهرة، كانت عرفتنا على بعض من فترة قصيرة. 

رديت ولقيتها بتقولي “شهيرة أنا عايزة احكيلك على حاجة بما أنك اكبر مني أنا وكريمة بس بالله عليكي سر ما يطلع”. 

 

وعدتها، وفاجئتني وهي بتقول “كريمة اتصلت عليا من شوية من رقم غريب صوتها مش طبيعي وبتعيط وبتقولي أنا عملت كارثة تعالي بكرا على العنوان اللي هقولهولك بس اياكي تبلغي حد بدل ما اروح في مصيبة، وانا بصراحة خايفة وقلقانة ومش فاهمة حاجة”. 

 

قلبي اتقبض، 

وقولتلها “متخافيش، انا هروح معاكي ونعرف في إيه، بس الله يسترك ابعتي رسالة لأم كريمة قوليلها انها جت عليكي وهتبات لأي سبب علشان قلقانة عليها اوي وكلمتني من شوية”. 

 

فضلت طول الليل بفكر ليه كريمة متصلتش بيا أنا ؟

يمكن مش حافظة رقمي!

طب ليه بتقول لزهرة تيجي على نفس العنوان!

 

أسئلة كتير بتاكل نافوخي 

لحد ما نمت من التعب حوالي ساعة 

وصحيت على اتصال زهرة أنها جاهزة 

جهزت ونزلت معايا

وصلنا نفس العنوان المشؤوم 

 
لتكملة اضغط على الرقم ٣ 👇👇

الصفحة السابقة 1 2 3 4 5 6 7الصفحة التالية