ريا وسكينة رجعوا من تاني

اتوترت وقولتلها “لا يا حجة أنا بس كنت جاية للبنت المنتقبة الـ ساكنة هنا، علشان وقع منها حاجة في الشارع”.

كنت بقول أي كلام انقذ بيه نفسي من الموقف البايخ ده، وسعيد أكد على كلامي وقال “ايوا ايوا فعلًا.. في واحدة وقع منها حاجة واحنا جايين نرجعها، ممكن بس تقولي لنا مين في جيرانك هنا لابسين نقاب”.

الست كانت شاكة فينا، ووقعنا في مأزق لما لقيتها بتمسكني من أيدي وبتقولي “بس مفيش حد ساكن في الدور ده غيري يا حراميين، وانا المنتقبة الـ لسه طالعة من تحت ومفيش حاجة وقعت مني، انتوا اكيد عصابة.. أنا هصرخ واسلمكوا للقسم”

سعيد قالها بخوف “يا حجة صلي ع النبي حراميين إيه بس.. والله احنا ما عايزين منك حاجة، بس الموضوع يعني”.

كملت كلامه وقولتلها “بصراحة يا حجة أنا شوفتك لابسة جزمة صحبتي، وصحبتي دي مخطوفة في المنطقة هنا”.

سكتت الست شوية، ودخلت جابت جزمة كريمة من الأرض وقالتلي “الجزمة دي قصدك؟”.
رديت بلهفة وقولتلها “ايوا.. ايوا والله دي جزمة صحبتي كريمة”.

الست استعجبت كده وقالتلي “معرفش يابنتي.. بس الجزمة دي لقيتها محدوفة فوق السطح وانا بأكل الطير، معرفش ايه حوار الخطف ده ولا عمري سمعت عنه”.

خابت كل توقعاتي
وآمالي إني الاقي صحابي
اعتذرت للست
ونزلت انا وسعيد الـ قالي “انتي عملتي الـ عليكي.. كفايا كده لأن الموضوع شكله كبير واسمك هيتجاب أول واحدة”.

رجعت البيت من تاني
بخيبة أمل اكبر
اعمل ايه؟
حاولت بكل الطرق
مفيش فايدة

نمت نوم هرب من الحياة
معرفش مر قد إيه
وصحيت مسكت التليفون اقلب على أي خبر جايز في جديد
لكن مفيش…
دخلت على الملفات الصوتية على تليفوني
وحشني اوي صوت كريمة
ومكالمتها
وهزارنا سوا
اول مرة احس اني اتعلقت بيها اوي كده في الفترة الصغيرة دي
وسط المكالمات المُسجلة،
صادفني مكالمة أم كريمة اول يوم اتصلت عليا
ولهفتها على بنتها
لكن لحظة….
عقلي اتشل فجأة
لتكملة اضغط على الرقم ٧👇👇

الصفحة السابقة 1 2 3 4 5 6 7الصفحة التالية