ريا وسكينة رجعوا من تاني

اتصلت زهرة على الرقم الـ كريمة كلمتها منه علشان تعرف تطلع أنهي عمارة،
ردت كريمة وقالتلها ثواني هبصلك واشاورلك دلوقتي من الشباك.
وبعد حوالي دقيقتين فجأة السكة اتقفلت في وش زهرة!
كان سهل استنتج أن الـ بص من الشباك ولقاني مع زهرة قفل السكة لأنهم منبهين عليها تيجي لوحدها.
قولت ده لزهرة وحلفت لها أن الـ بيحصل هنا مش طبيعي، قعدت تقولي “الرصيد هو الـ خلص، مفيش الأفلام دي كلها”.
وعلشان اريحها واعرفها أن كلامها غلط، قولتلها “ياستي انا هشتريلك كارت على حسابي وهتشوفي أن محدش هيرد عليكي تاني”.
وقفت اشتري من نفس الكشك كارت شحن،
وحاسبته.
بصيت ورايا ملقتش زهرة🙂
عايزين تعرفوا حصل إيه!
لما زهرة اختفت هي كمان زي كريمة وقتها الدنيا لفت بيا، ولقيت نفسي بجري في شوارع معرفهاش.
حاسة أن في حد بيطاردني ويراقبني والدور عليا زيهم.
رجعت البيت قفلت الباب بمليون ترباس ودخلت اوضتي فضلت اترعش من الخوف، ولساني بيردد “يارب.. يارب.. يارب”.
اتنين من صحابي راحوا مرة واحدة ورا بعض، ومعرفش حصلهم إيه ولا هيحصل إيه فيهم.
صحيح مدة معرفتنا ببعض مش كبيرة، لكن الموقف ذاته لو حصل مع حد غريب قصاد مننا بردو مش هنتحمل.
كان لازم اشوف حل
عياطي وتوتري مش هيرجعوهم
ومش هصبر لحد ما الاقي خبرهم على النت
مسكت تليفوني أقلب في الأسماء اشوف مين اقدر اطلب منه المساعدة ويفيدني
كانوا كلهم صحابي الـ من عمري أو أصغر مني!
مقدرش اخاطر بواحدة فيهم ويحصل فيها زي الـ حصل مع كريمة وزهرة.
حسيت الموضوع محتاج تدخل من راجل
ويكون شخص قوي وذكي
وفي نفس الوقت يصدقني ويكون أمين على السر.
بس ممكن يكون مين؟؟
معنديش غير رقم بتاع البيتزا
والكهربائي
وعم حسين البقال؟!
لتكملة اضغط على الرقم ٤👇👇


